पुणे : भाजप उमेदवारांच्या पहिल्या यादीत राज्यमंत्री बाळा भेगडे यांच्या नावाचा समावेश झालेला नाही. मावळ मतदारसंघात भेगडे यांच्याबरोबरच पक्षामध्ये सुनील शेळके व रवी भेगडे हेही जोरदार इच्छुक असल्यामुळे, पहिल्या यादीत पक्षाने उमेदवाराचे नाव जाहीर करण्याचे टाळले असल्याचे दिसून येते.
मावळ हा भाजपचा बालेकिल्ला असून, 1995 पासून येथे भाजपचे आमदार निवडून येत आहेत. माजी आमदार दिगंबर भेगडे यांनीही या मतदारसंघातून उमेदवार बदलण्याची मागणी केली आहे. लोकसभा निवडणुकीत या मतदारसंघात शिवसेनेचे उमेदवार श्रीरंग बारणे यांना मोठे मताधिक्य मिळाले. मात्र, भाजपमधूनच तीन प्रमुख इच्छुक असल्यामुळे, भाजपच्या पहिल्या यादीत या मतदारसंघाच्या समावेश करण्यात आला नसल्याची चर्चा आहे. बाळा भेगडे दोन वेळा मावळमधून निवडून आले आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.