esakal | पूजा चव्हाणचे आई-वडिल म्हणतात, ''आत्महत्येनंतर झालं ते केवळ राजकीय नाट्य''
sakal

बोलून बातमी शोधा

pooja Chavan

पूजा चव्हाणचे आई-वडिल म्हणतात, ''आत्महत्येनंतर झालं ते केवळ राजकीय नाट्य''

sakal_logo
By
शरयू काकडे

पुणे, : ''पूजा चव्हाण आत्महत्या प्रकरणी आपला कोणावरही आरोप नाही, या विषयला विनाकरण राजकीय वळण देण्यात आले, मुलीच्या आत्महत्यानंतर घडलेला सर्व प्रकार राजकीय नाट्य होते'', असा जबाब मुलीच्या आई-वडिलांनी वानवडी पोलिसांकडे दिला आहे.

वानवडीजवळील महमदवाडी येथे 7 फेब्रूवारीला पूजा चव्हाण या तरुणीने इमारतीच्या दुसऱ्या मजल्यावरुन उड़ी मारून आत्महत्या केली होती. या प्रकरणी वानवडी पोलिस ठाण्यात अकस्मात मृत्युची नोंद करण्यात आली होती. त्यानंतर वानवडी पोलिसांकडून या प्रकरणाचा तपास 'जैसे थे' ठेवण्यात आला होता. या प्रकरणाच्या तपासाबाबत प्रश्न उपस्थित केल्यानंतर वानवडी पोलिसांकडून केवळ तपास सुरु आहे, इतकेच उत्तर मिळत होते.

हेही वाचा: पुण्यात कोरोना निर्बंध 'जैसे थे'; अजित पवारांची माहिती

हेही वाचा: गर्दी रोखण्यासाठी तुम्हीच धोरण आणा, मुख्यमंत्री ठाकरेंची पंतप्रधानांकडे मागणी

दरम्यान, काही दिवसांपूर्वीच वानवडी पोलिसांनी मुलीच्या आई-वडिलांना पुण्यात बोलावून त्यांचा जबाब नोंदवून घेतला. संबंधित प्रकरणाचा राजकारणाशी कुठलाही संबंध नसल्याचे तसेच तरुणीच्या आत्महत्या घटनेस कोणालाही जबाबदार धरले नसल्याचे तिच्या कुटुंबीयांनी जबाबत स्पष्ट केले. तसेच हा सर्व प्रकार म्हणजे राजकीय नाट्य असल्याचे त्यांनी जबाबामध्ये नमूद केले आहे.

पोलिस टिकेचे धनी, तरीही भूमिका सावधच

संबंधित प्रकारणावरुन पुणे पोलिसांवर सडकून टिका झाली, त्यानंतरही पोलिसांकडून आत्तापर्यंत केवळ सावध भूमिका घेण्याकडेच कल राहिला आहे. या प्रकरणाच्या तपासाबाबतही वानवडी पोलिसांकडून कुठलेही ठोस उत्तर दिले जात नाही. विशेषत: या प्रकाणाशी संबंधित कुठलीही माहिती बाहेर पोचणार नाही, यादृष्टीने पोलिस कर्मचाऱ्यांना तंबी देण्यात आली होती.

loading image