पुण्यात मनसे कार्यकर्त्यांना नोटिसा; सरचिटणीस म्हणतात... | Sakal
sakal

बोलून बातमी शोधा

Notice to MNS workers in Pune

पुण्यात मनसे कार्यकर्त्यांना नोटिसा; सरचिटणीस म्हणतात...

पुणे : मनसे कार्यकर्त्यांनी मशिदींसमोर भोंगे लावून हनुमान चालिसा म्हणू नये म्हणून मुंबई पोलिसांनी सोमवारी मनसे (MNS) कार्यकर्त्यांना नोटीस बजावली होती. मंगळवारी पुण्यात मनसे कार्यकर्त्यांना नोटिसा देणे सुरू केले आहे. दुसरीकडे औरंगाबादमधील सभेप्रकरणी मनसे अध्यक्ष राज ठाकरे यांच्याविरोधात मंगळवारी औरंगाबादमधील सिटी चौक पोलिस ठाण्यात गुन्हा दाखल करण्यात आला आहे. यामुळे विविध प्रश्न उपस्थित केले जात आहे. (Notice to MNS workers in Pune)

रविवारी औरंगाबादमध्ये झालेल्या सभेत राज ठाकरे यांनी ४ मे रोजी मशिदींसमोर भोंगे लावून हनुमान चालिसा म्हणू असे खुले आव्हान दिले होते. मशिदीवरील भोंगे उतरवले नाही तर ४ मे रोजी काहीही ऐकणार नाही, असे राज ठाकरे (Raj Thackeray) म्हणाले होते. यामुळे मुंबई पोलिसांची मनसे कार्यकर्त्यांना कलम १८८ अंतर्गत नोटीस (Notice) पाठवली होती.

हेही वाचा: प्रियकराचे कर्ज फेडण्यासाठी अभियंता प्रेयसी करायची चेन स्नॅचिंग

मंगळवारी औरंगाबादमधील सिटी चौक पोलिस ठाण्यात राज ठाकरे यांच्याविरोधात गुन्हा दाखल करण्यात आला आहे. यामुळे मनसे (Notice) कार्यकर्ते चांगलेच नाराज झाले आहेत. अशात पुण्यात मनसे कार्यकर्त्यांना नोटिसा देणे सुरू झाले आहेत. बुधवारी मशिदींसमोर भोंगे लावून हनुमान चालिसा म्हणू नका म्हणून कार्यकर्त्यांना नोटिसा देण्यात येत आहे. यामुळे बुधवारी महाआरती होणार की नाही, असा प्रश्न निर्माण झाला आहे.

पोलिसांनी मनसेला (MNS) नोटिसा (Notice) दिल्या तरी महाआरती होणार आहे. मनसे अध्यक्ष राज ठाकरे यांचा आदेश पाळण्यात येणार आहे. भोंग्यांबाबत पोलिस नीट काहीही सांगत नाही. माहाआरती होणारच. मनसैनिक घाबरणार नाही.
- हेमंत संभूस, सरचिटणीस, मनसे

Web Title: Notice To Mns Workers In Pune Hanuman Chalisa Police In Action

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pune Newsmns party
go to top