जुन्नर (पुणे) : नर्सेस संघटनेच्या प्रलंबित मागण्या मान्य न झाल्याने पुणे जिल्हा परिषदेच्या परिचारिकांनी आंदोलनाचा इशारा दिला आहे, अशी माहिती जुन्नर तालुका अध्यक्षा अनिता कसार व कार्याध्यक्ष सुनिता गाडेकर यांनी दिली.
विविध प्रलंबित मागण्यांसाठी सुरू असलेल्या परिचारिका आंदोलनामध्ये पुणे जिल्हा परिषदेच्या परिचारिकाही सहभागी होणार आहेत. आमच्या प्रलंबित मागण्या मान्य न झाल्यास महाराष्ट्र राज्य जिल्हा परिषद नर्सेस संघटना पुणे यांनी बेमुदत संपावर जाण्याचा इशारा लेखी स्वरूपात जिल्हा परिषदेचे मुख्य कार्यकारी अधिकारी व जिल्हा आरोग्य अधिकारी यांना निवेदनाद्वारे दिला आहे.
जुन्नरचे तालुका आरोग्य अधिकारी व गटविकास अधिकारी यांना जुन्नर तालुका संघटनेच्या अध्यक्ष सरचिटणीस रंजना कदम व कोषाध्यक्ष मंगल नाडेकर यांनी निवेदनाद्वारे दिला आहे. ग्रामीण भागात सुमारे १८ हजार नर्सेस काम करत असून त्या आपल्या मागण्यांसाठी एक सप्टेंबर ते ७ सप्टेंबरपर्यंत नर्सेस काळी फित लावून काम करणार आहेत. शासनाने मागण्या मंजूर केल्या नाही तर आठ सप्टेंबर रोजी काम बंद संप करणार असून तरीही मागण्या मंजूर न झाल्यास ९ सप्टेंबर पासून बेमुदत संप करण्यात येणार असल्याचे सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.