चॉकलेटच्या बहाण्याने पाच वर्षीय चिमुरडीवर अत्याचार; नराधमास अटक

पुणे : चॉकलेट देण्याच्या बहाण्याने पाच वर्षांच्या चिमुरडीवर लैंगिक अत्याचार करणाऱ्या नराधमाला कोंढवा पोलिसांनी अटक केली. ही घटना एका बांधकाम साईटवर घडली. 
याप्रकरणी ३० वर्षीय आरोपीला अटक केली आहे. पिडीत मुलीच्या वडिलांनी यासंदर्भात फिर्याद दिली आहे. 

नजरेला नजर भिडताच झाला राडा; शाहरुखने दिली तक्रार  
पोलिसांनी दिलेल्या माहितीनुसार, फिर्यादी आणि आरोपी हे कोंढवा परिसरातील एकाच बांधकाम साईटवर काम करतात. मंगळवारी (ता.१७) रात्री साडे आठच्या सुमारास आरोपीने अल्पवयीन मुलीला चॉकलेटचे अमिष दाखवून त्याच्या खोलीत बोलावून घेतले. तिच्यावर लैंगिक अत्याचार केले.

पुण्यात मोबाईल फेकून मारल्याने फुटले महिलेचे डोकं

हा प्रकार तिच्या वडिलांना लक्षात येताच त्यांनी कोंढवा पोलिसांकडे धाव घेतली. त्यानुसार त्याच्यावर बाल लैंगिक अत्याचार कायद्यानुसार गुन्हा दाखल करून अटक केली आहे. पुढील तपास कोंढवा पोलिस करत आहेत.