esakal | बारामतीकरांनो, महावितरणच्या वतीने तुमच्यासाठी महत्वाचा उपक्रम
sakal

बोलून बातमी शोधा

बारामतीकरांनो, महावितरणच्या वतीने तुमच्यासाठी महत्वाचा उपक्रम

मुख्य अभियंता सुनील पावडे यांच्या संकल्पनेतून एक गाव एक दिवस हा उपक्रम सुरु झाला आहे. हा उपक्रम आता राज्यभर राबविला जात आहे.

बारामतीकरांनो, महावितरणच्या वतीने तुमच्यासाठी महत्वाचा उपक्रम

sakal_logo
By
मिलिंद संगई

बारामती : महावितरणच्या बारामती विभागांतर्गत येणाऱ्या सोमेश्वर उपविभागातील कुरणेवाडी, वाघळवाडी, निंबुत, चोपडज, आंबी बुद्रुक व नारोळी या सहा गावांत महावितरणने शुक्रवारी (ता. 20) दिवसभर ‘एक गाव, एक दिवस’ हा उपक्रम राबवून वीज ग्राहकांच्या विविध समस्या सोडविण्याचा वेगळा प्रयत्न केला. 

Corona Updates: दिवाळीनंतर कोरोनाचा प्रसार वाढला; 24 तासांत 45 हजारांपेक्षा जास्त रुग्ण

मुख्य अभियंता सुनील पावडे यांच्या संकल्पनेतून एक गाव एक दिवस हा उपक्रम सुरु झाला आहे. हा उपक्रम आता राज्यभर राबविला जात आहे. अत्यंत नियोजनबद्ध असा हा उपक्रम असून, एकाच दिवशी त्या गावांतील समस्यांवर काम केले जाते.

सोमेश्वर उपविभागात शुक्रवारी मुख्य अभियंता सुनील पावडे, अधीक्षक अभियंता चंद्रशेखर पाटील, कार्यकारी अभियंता गणेश लटपटे यांच्या उपस्थितीत कुरणेवाडी, वाघळवाडी, निंबुत, चोपडज, आंबी बुद्रुक व नारोळी या गावांमधील समस्या निकाली काढण्यासाठी या उपक्रम घेण्यात आला. कंत्राटदारांचे 88 व महावितरणच्या 72 अशा 160 कर्मचाऱ्यांनी या उपक्रमांत प्रत्यक्ष सहभाग घेतला. या सोबतच सोमेश्वरचे उपविभागीय अभियंता सचिन म्हेत्रे  व त्यांच्या शाखा अभियंत्यांनीही परिश्रम घेतले. 

या दिवशी सैल तारांना ताण देणे, तारांना लागणाऱ्या फांद्या झाटणे, रोहित्रांची व पेट्यांची दुरुस्ती करणे, फ्यूज बदलणे, केबल बदलणे, कट पॉईंटच्या जंपिंग करणे, झुकलेले खांब सरळ करणे, आवश्यक ठिकाणी स्पेसर्स व ताण बसविणे तसेच नवीन कनेक्शनसह विजेच्या वैयक्तिक तक्रारी दूर करणे अशा बहुतांश समस्यावर काम करण्यात आले.

जबाबदारी स्वीकारणारेच यशस्वी ठरतात; पंतप्रधान मोदींचा विद्यार्थ्यांना मूलमंत्र

कामाच्या प्रारंभी मुख्य अभियंता पावडे यांनी गावातील वीज ग्राहकांना उपक्रमाची माहिती दिली. तसेच विजेच्या विविध योजनांबाबत मार्गदर्शन करुन वीजबिल भरण्याचे आवाहन केले. यावेळी राष्ट्रवादीचे तालुकाध्यक्ष संभाजी होळकर, स्वाभिमानी शेतकरी संघटनेचे सतीश काकडे, बारामती तालुका दूध संघाचे चेअरमन संदीप जगताप यांचेसह ग्रामस्थांची उपस्थिती होती.

(संपादन : सागर डी. शेलार)