पुणे : शेअर बाजारात भरघोस परताव्याचे आमिष दाखवत सायबर चोरट्यांनी एका व्यक्तीची १९ लाख रुपयांची फसवणूक केल्याची घटना घडली. या प्रकरणी समर्थ पोलिस ठाण्यात गुन्हा दाखल करण्यात आला आहे..तक्रारदार (वय ४५) हे सोमवार पेठेतील युनिटी पार्क इमारतीमध्ये राहतात. त्यांच्या मोबाईलवर २७ मे रोजी अनोळखी क्रमांकावरून ‘शेअर बाजारात गुंतवणूक करा आणि हमखास परतावा मिळवा’ असा संदेश आला. त्यासोबतच एका लिंकद्वारे ‘विनामूल्य मार्गदर्शन’ अशा आकर्षक माहितीचा समावेश होता..सुरुवातीला परतावा... नंतर धूळफेक -या संदेशावर विश्वास ठेवून तक्रारदाराने काही हजार रुपयांची गुंतवणूक केली. त्यानंतर काही रकमेचा परतावाही त्यांच्या खात्यात जमा झाला. यामुळे खात्री पटल्याने त्यांनी टप्प्याटप्प्याने गुंतवणूक वाढवली. एक महिन्याच्या कालावधीत त्यांनी १९ लाख ३२ हजार रुपये त्या खात्यात भरले. मात्र, त्यानंतर चोरट्यांनी संपर्क तोडला आणि परतावा देणे थांबवले. फसवणूक झाल्यानंतर त्यांनी १५ जून रोजी समर्थ पोलिस ठाण्यात तक्रार दिली..या गुन्ह्याचा तपास पोलिस निरीक्षक (गुन्हे) चेतन मोरे करीत आहेत. ‘काही परतावा देऊन चोरटे गुंतवणूकदारांचा विश्वास संपादन करतात. त्यानंतर मोठी रक्कम मिळवून गायब होतात,’ अशी माहिती त्यांनी दिली.नागरिकांनी काय काळजी घ्यावी?अनोळखी क्रमांकावरून गुंतवणुकीबाबत आलेल्या संदेशांवर विश्वास ठेवू नका.अधिकृत आणि मान्यताप्राप्त वित्तीय संस्थांद्वारेच गुंतवणूक करा.सायबर फसवणूक झाल्यानंतर तातडीने पोलिसांत तक्रार द्या.गृह मंत्रालयाच्या नॅशनल सायबर क्राइम पोर्टलवर तक्रार नोंदवासायबर तक्रार नोंदविण्यासाठी टोल फ्री क्रंमाक - १९३०.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
