पुणे : सावित्रीबाई फुले पुणे विद्यापीठाच्या अंतिम वर्षाच्या सुमारे पाच हजार विद्यार्थ्यांनी गुरुवारी (ता.५) ऑनलाइन पद्धतीने फेरपरीक्षा दिली. मात्र दरम्यान काही विद्यार्थ्यांनी परीक्षांमध्ये अडचणी आल्याचे नमूद केले. मात्र, विद्यापीठ प्रशासनाकडे कोणत्याही प्रकारची तक्रार आली नसल्याचे विद्यापीठ प्रशासनाचे म्हणणे आहे.
पुणे विद्यापीठाच्या पदवी आणि पदव्युत्तर अभ्यासक्रमांच्या अंतिम वर्षाच्या फेरपरीक्षा गुरुवारपासून ऑनलाइन पद्धतीने सुरू झाली. तांत्रिक अडचणी, अतिवृष्टी, एका दिवशी दोन परीक्षा अशा कारणांमुळे परीक्षेपासून वंचित राहणाऱ्या विद्यार्थ्यांसाठी शनिवारपर्यंत (ता.७) फेरपरीक्षा घेण्यात येत आहे.
त्याचप्रमाणे परीक्षेबाबत विविध तक्रारी असणाऱ्या, विद्यार्थ्यांचीही परीक्षा होणार आहे.
या परीक्षेसाठी सुमारे २७ हजार विद्यार्थी अपेक्षित आहे. या परीक्षेत साधारण साडेअकरा हजार विद्यार्थ्यांची सहाशेहुन अधिक विषयांसाठी परीक्षा होणार होती. मात्र, त्यापैकी केवळ पाच हजार विद्यार्थ्यांनी सकाळी दहा ते सायंकाळी सात या वेळेत परीक्षा दिली. फेरपरीक्षेबाबत विद्यार्थ्यांना काही तक्रारी असल्यास, त्यांनी थेट विद्यापीठाकडे नोंदवाव्यात, असे विद्यापीठ प्रशासनाने सांगितले आहे.
- पुण्याच्या बातम्या वाचण्यासाठी येथे ► क्लिक करा
(Edited by : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.