पुरंदरमधील शिवरीचा भक्कम बुरूज अखेर कोरोनाने ढासळवला  

खळद (पुणे) : पुरंदर तालुक्यातील शिवरी येथे आज एक २८ वर्षांचा तरुण कोरोना पॉझिटिव्ह रुग्ण आढळल्याचे तहसीलदार रूपाली सरनोबत यांनी सांगितले. गेल्या कित्येक दिवसांपासून अभैद्य असणारा शिवरीचा गड अखेर ढासळला. त्यामुळे येथील नागरिकांनी मोठी हळहळ व्यक्त केली.

आता एलपीजी सिलिंडर बुकिंग व्हाॅट्सअपवर
          
सासवड- जेजुरी पालखी महामार्गालगत हे गाव असून, याच गावातून वीर भागात जाण्यासाठी रस्ता आहे. या सर्व पार्श्वभूमीवर लॉकडाउन जाहीर झाल्यापासून येथील गावचे सरपंच, ग्रामसेवक, तलाठी, पोलिस पाटील, कोरोना दक्षता समिती व ग्रामस्थ गावचे रक्षण व्हावे, यासाठी रात्रीचा दिवस करीत होते. त्यातूनच आपल्या गावात कोरोना येण्यापासून आजपर्यंत त्यांनी लढा दिला, मात्र अखेर आज या ठिकाणी एक कोरोना पॉझिटिव्ह सापडला. त्यामुळे नागरिकांमध्ये चिंतेचे वातावरण निर्माण झाले आहे.

पोलिस बनून हाॅटेलमध्ये शिरले, जेवले अन्...

संबंधित कोरोना रुग्ण पुणे येथे कामासाठी ये- जा करत असल्याची माहिती मिळाली आहे. या रुग्णास तक्रारवाडी येथील कोवीड केअर सेंटर येथे ठेवण्यात आले आहे. त्याच्या संपर्कातील हाय रिस्क कॉन्टॅक्टमधील जवळपास १२ व लो रिस्क कॉन्टॅक्टमधील ३७ नागरिकांना होम क्वारंटाइन करण्यात आले असल्याचे ग्रामसेविका ताई गायकवाड यांनी सांगितले.