बारामती - ज्येष्ठ नेते शरद पवार यांनी माझ्यावर राज्याच्या गृहमंत्रिपदाची जबाबदारी सोपविली आहे, ही जबाबदारी मी योग्य रितीने पार पाडून दाखवेन, राज्यात कायदा व सुव्यवस्था अधिक मजबूत कशी राहिल असा माझा प्रयत्न असेल, असे मत गृहमंत्री अनिल देशमुख यांनी व्यक्त केले.
बारामतीत ज्येष्ठ नेते शरद पवार यांची सदिच्छा भेट घेण्यासाठी अनिल देशमुख आले होते. गोविंदबाग या पवार यांच्या निवासस्थानी त्यांनी पत्रकारांशी संवाद साधला.
गृहमंत्रीपद ही आव्हानात्मक जबाबदारी आहे, ती कोणी स्विकारायला तयार नसेल तर आपण स्विकारु अशी तयारी मी दाखविली होती, त्या मुळे माझ्यावर ही जबाबदारी सोपविली गेली असेल, असे त्यांनी एका प्रश्नाच्या उत्तरात सांगितले. केवळ राज्यातच नव्हे तर देशात क्राईम कॅपिटल म्हणून नागपूरचा उल्लेख केला गेला. वास्तविक मुख्यमंत्र्यांचा हा मतदारसंघ होता. मुख्यमंत्र्यांकडे अनेक जबाबदा-या असतात, गृह विभागही त्यांच्याकडेच होता, त्या मुळे कदाचित या विभागाकडे त्यांना पुरेस लक्ष देण्यासाठी वेळ मिळाला नसेल, पण आता केवळ नागपूरच नाही तर राज्यात अशी जी काही शहरे असतील, त्या शहरात कायदा व सुव्यवस्थेच्या बाबतीत जरुर लक्ष घालू, राज्यात सगळीकचे कायदा व सुव्यवस्था चांगली असली पाहिजे, या बाबत दमदार पावले आम्ही उचलू असेही देशमुख म्हणाले.
राज्यात पोलिस भरतीची प्रक्रीया का रखडली आहे याची सविस्तर माहिती घेऊ, या बाबत संबंधितांशी बोलून ही प्रक्रीया पुन्हा सुरु करण्यासाठीही सरकार प्रयत्नशील असेल असेही ते म्हणाले. गृहमंत्रालय माझ्यासाठी नवीन आहे, मात्र बुधवारी (8 जानेवारी) राज्यातील सर्व प्रमुख अधिका-यांशी मी चर्चा करणार आहे. या चर्चेनंतर कोणत्या विषयांना प्राधान्य द्यायचे हे ठरवून पुढील दिशा निश्चित केली जाईल, असेही त्यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.