पुणे : ‘पीएमपी’तर्फे सुरू असलेल्या पुणे दर्शन व पर्यटन बस सेवेला गेल्या महिन्यात उत्स्फूर्त प्रतिसाद मिळाला आहे. जूनमध्ये ६ लाख ४८ हजार एवढे उत्पन्न प्राप्त झाले आहे.
प्रवाशांचा प्रवास आरामदायी, सुलभ व माफक दरात होण्याच्या दृष्टीने तसेच हौशी पर्यटक, भाविक-भक्त यांना धार्मिक व पर्यटन स्थळांना भेट देण्यासाठी पुणे महानगरपरिवहन महामंडळाकडून ‘पुणे दर्शन’ व ‘पर्यटन बस’ सेवा प्रत्येक आठवड्याच्या शनिवार, रविवार, सुरू करण्यात आली होती. इतर दिवशी १५ ते २० प्रवाशांनी बुकिंग केल्यास कोणत्याही दिवशी बस सोडण्यात येते.