पुणे: उधारी मागतोस का? तुझा धंदा बंद करेल...

three arrested for kidnapping a boy in pune
three arrested for kidnapping a boy in pune

पुणे : पान टपरी धारकांना माल पुरवठा करणाऱ्या तरुणाने उधारीचे पैसे मागितल्याच्या कारणावरुन त्याचे अपहरण करुन त्यास जबर मारहाण करण्यात आली. तसेच तरुणाकडील पन्नास हजार रुपयांची रोकड लंपास केल्याची घटना बाणेर परिसरामध्ये सोमवारी भरदिवसा घडली. दरम्यान, चतुःश्रृंगी पोलिसांनी या प्रकरणाचा गांभीर्याने तपास करुन तिघाजणांना तत्काळ बेड्या ठोकल्या. 

अरुण नागेंद्र सिंह (वय 27, रा. बालेवाडी गाव), सुरज राजु चौघुले (वय 27, रा. वडारवाडी), राहुल बडीवार सोनकांबळे (वय 19, रा. महादेवनगर, हिंगणे खुर्द) अशी पोलिसांनी अटक केलेल्या संशयित आरोपींची नावे आहेत. याप्रकरणी शिवा फुलचंद प्रजापती (वय 19, रा. शिवणे, एनडीए रोड, मुळ रा. उत्तरप्रदेश) यांनी चतुःश्रृंगी पोलिस ठाण्यात फिर्याद दिली.

पुण्यात परदेशी महिलेने मागितली लिफ्ट मग बलात्कार अऩ्...
 

पोलिसांनी दिलेल्या माहितीनुसार, फिर्यादी यांच्या मावस भावाचा पान टपरी धारकांना सिगारेट, तंबाखु, गुलकंद, सुपारी व बडीसोप पुरविण्याचा व्यवसाय आहे. ते मावस भावाला त्याच्या कामामध्ये मदत करतात. तसेच टपरीधारकांकडील उधारीचे पैसे वसुल करण्याचेही काम करतात.

पुणे-मुंबई मार्गाने उद्या प्रवास करणार आहात? मग ही बातमी वाचा

सोमवारी दुपारी ते मावस भावाची कार घेऊन त्यामध्ये पान टपऱ्यांसाठी लागणारा माल घेऊन वारजे माळवाडी येथून पाषाण, सुसरोड, औंध या ठिकाणी आले. दुपारी तीन वाजता ते बाणेर येथे आले. तेथील पान टपरीधारकांना माल देऊन ते घरी जाण्यासाठी निघाले असताना अचानक दोघेजण त्यांच्या गाडीमध्ये बसले. त्यांनी फिर्यादी यांना दमदाटी करीत गाडी पुढे नेण्यास सांगितली. धारदार शस्त्राचा धाक दाखवून त्यांना गाडी महामार्गाच्या दिशेने नेण्यास सांगितली. त्यानंतर गाडी सुस पुलाजवळ थांबविण्यास सांगून फिर्यादीस मारहाण केली. फिर्यादीकडे पान टपरी धारकांकडून जमा झालेली 50 हजार रुपयांची रोकड जबरदस्तीने काढून घेतली. त्यानंतर फिर्यादीस जबर मारहाण करीत "अरुण सिंगकडे उधारी मागतोस का ? तुझा धंदा बंद करेल' अशी धमकी देत फिर्यादीस सोडून दिले. त्यानंतर फिर्यादीने हा प्रकार मावास भावाला सांगून चतुःश्रृंगी पोलिसांकडे फिर्याद दिली.

ख्रिसमसच्या दिवशीच होणार पुणे-मुंबई रेल्वे प्रवाशांची गैरसोय; 'या' गाड्या उद्या रद्द

वरिष्ठ पोलिस निरीक्षक अनिल शेवाळे यांच्या मार्गदर्शनाखाली सहाय्यक पोलिस निरीक्षक समीर चव्हाण, पोलिस हवालदार मुकुंद तारु, पोलिस नाईक विशाल साबळे यांच्या पथकाने तांत्रिक विश्‍लेषण व खबऱ्यांकडील माहितीद्वारे आरोपींचा शोध घेऊन त्यांना तत्काळ अटक केली 
Video : कचऱ्यातले गाठोडं उघडलं अन् बाळं दिसलं...

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com