घरगुती वादातून महिलेने प्यायले विष; पोलिसांमुळे वाचला जीव

हडपसर : घरगुती वादातून भांडण झाल्याने 27 वर्षाच्या विवाहित महिलेने विष प्राशन केले मात्र, हडपसर पोलिस ठाण्यातील दोन बीट मार्शल यांच्या सर्तकतेमुळे महिलेचा जीव वाचला.

हरित लवादाचा पिंपरी महापालिकेला दणका: दिला 'हा' आदेश

पोलिसांनी दिलेल्या माहितीनुसार, लोकसेवा हनुमान मंदीराजवळील सोसायटीतील एका घरामध्ये एक महिला मोठ मोठयाने ओरडत असून घराचा दरवाजा आतून बंद असल्याचा कॅाल हडपसर पोलिस ठाण्यात आला. त्यानुसार, बिटमार्शल विलास राठोड व अमोल बाबर हे त्या महिलेच्या घरी गेले. त्यावेळी आतून महिलेचा आवाज येत होता व घराचा दरवाजा आतून बंद होता. त्यामुळे दोन्ही पोलिस कर्मचाऱ्यांनी दार तोडून घरात प्रवेश केला. यावेळी महिला अर्धमेल्या अवस्थेत गयावया करत किंचाळत मदतीसाठी याचना करत होती. तिला रक्ताच्या उलटया झालेल्या होत्या.

पुणे : कोंढव्यात डोक्यात दगड घालून तरुणाची निर्घृण हत्या

पोलिसांनी तातडीने महिलेला हडपसर येथील खासगी रूग्णालयात उपचारासाठी दाखल केले. त्यामुळे महिलेचा जीव वाचला. महिलेची प्रकृती गंभीर आहे.

ताज्या बातम्यांसाठी डाऊनलोड करा ई-सकाळचे ऍप