माजी ट्रेनी आयएएस अधिकारी पूजा खेडकर हिनं तिच्यावर झालेल्या आरोपांना उत्तरं दिली आहेत. तसंच मला आयएएस पद पुन्हा बहाल केलं जाईल असा विश्वासही व्यक्त केला आहे. न्याय उशिराने होईल पण मिळेल नक्की अशी खात्री असल्याचं पूजा खेडकरने म्हटलंय. मी मेहनतीने परीक्षा दिली, त्यासाठी अनेक गोष्टींचा त्यागही केला. कष्टाने मी युपीएससीत यश मिळवल्याचं पूजा खेडकरने सांगितलं. दरम्यान, ऑडी कारवर अंबर दिवा, केबिन बळकावल्याच्या आरोपात तथ्य नसल्याचा दावाही पूजा खेडकरने केला. तसंच जिल्हाधिकारी कार्यालयात सेक्शुअल हॅरॅसमेंट प्रकरणी राज्याच्या मुख्य सचिवांना पत्र लिहिलं होतं असंही तिने सांगितलंय.
