Pranjal Khewalkar Case: पुण्यातील खराडी इथं कथित रेव्ह पार्टी प्रकरणी पुणे पोलिसांच्या गुन्हे शाखेनं दोन महिलां आणि ५ पुरुषांना रविवारी पहाटे अटक केली. या प्रकरणात राज्याचे माजी मंत्री एकनाथ खडसे यांचे जावई आणि राष्ट्रवादी काँग्रेस शरदचंद्र पवार पक्षाच्या नेत्या रोहिणी खडसे यांचे पती प्रांजल खेवलकर यांनाही अटक झाली आहे. अटक केलेल्या सगळ्यांना दोन दिवसांची पोलीस कोठडी सुनावण्यात आलीय. अटकेआधी त्यांची वैद्यकीय तपासणी ससून रुग्णालयात करण्यात आली होती. त्यानंतर रक्ताचे नमुने तपासणीसाठी पाठवण्यात आले होते.
