बारामतीत एक डिसेंबरपासून वयोश्री योजनेचे पूर्वतपासणी शिबीर

पुणे (बारामती) : राष्ट्रीय वयोश्री योजनेअंतर्गत ज्येष्ठ नागरिकांसाठी कृत्रीम अवयव व मोफत सहाय्यक साधने वाटपासाठी तपासणी शिबीराचे आयोजन करण्यात आले आहे, ज्येष्ठ नागरिकांनी याचा लाभ घेण्याचे आवाहन खासदार सुप्रिया सुळे यांनी केले आहे. या साठी पूर्व तपासणी शिबीराचे बारामती एमआयडीसीतील शासकीय महिला रुग्णालय येथे 1 ते 4 डिसेंबर दरम्यान आयोजन करण्यात आले आहे. सकाळी नऊ ते संध्याकाळी पाच या वेळेत ही तपासणी केली जाणार आहे.

केंद्राचे सामाजिक न्याय व अधिकारिता मंत्रालय, पुणे जिल्हा परिषद, यशवंतराव चव्हाण प्रतिष्ठान, पवार पब्लिक चॅरिटेबल ट्रस्ट, अपंग हक्क विकास मंच, महात्मा गांधी सेवा संघ संचलित जिल्हा दिव्यांग पुनर्वसन केंद्राच्या वतीने राष्ट्रीय वयोश्री योजनेअंतर्गत पात्र लाभार्थ्यांना कृत्रीम अवयव व मोफत सहायक साधनांचे वाटप केले जाणार आहे. पात्र लाभार्थ्यांनी पूर्वतपासणी शिबीराला येऊन या योजनेचा लाभ घेण्याचे आवाहन करण्यात आले आहे.

आवश्यक कागदपत्रे

• आधारकार्ड

• रेशन कार्ड

• तहसिलदार, तलाठी किंवा नगरसेवकांनी दिलेला उत्पनाचा दाखला

• दोन पासपोर्ट साईजचे फोटो

आवश्यक पात्रता

• साठ वर्षांहून अधिक वय असावे

• वार्षिक उत्पन्न 1 लाख 80 हजारांपेक्षा कमी असावे.

महत्वाची टीप...

• तपासणीनंतर एका व्यक्तीस एकाहून अधिक साधनेही मिळू शकतात

• अपेक्षित लाभार्थ्याने लागणा-या साहित्यांची पूर्व नोंदणी नजिकच्या सी.एस.सी. सेंटरमध्ये करावी.

• या सेंटरमध्ये मिळालेला रजिस्टर्ड नंबर स्वताःकडे ठेवावा व ग्रामसेवकासही द्यावा.

• अधिक माहितीसाठी 8007182510 किंवा 020- 24263266 व 24264253