Special committee formed to prepare revised draft of the act
Sakal
पुणे : राज्यातील व्यावसायिक शिक्षण संस्थांच्या प्रवेश प्रक्रियेसह शुल्क नियमनाच्या नियमांमध्ये बदल होण्याची शक्यता आहे. राज्य सरकारने २०१५ च्या प्रवेश व शुल्क विनियमन अधिनियमात सुधारणा करण्यासाठी विशेष समिती गठीत केली आहे. या समितीला सुधारित अधिनियम आणि नियमांचा मसुदा शिफारशींसह अवघ्या दहा दिवसांत सरकारकडे सादर करण्याचे निर्देश देण्यात आले आहेत. त्यामुळे व्यावसायिक अभ्यासक्रमांच्या प्रवेश प्रक्रियेत आणि खासगी शिक्षण संस्थांच्या शुल्क निश्चितीच्या पद्धतीत कोणते बदल होणार, याकडे विद्यार्थी, पालक आणि शैक्षणिक संस्थांचे लक्ष लागले आहे.
