पुणे : शहरातील 204 पैकी 31 उद्याने उघडण्याचा निर्णय महापालिका प्रशासनाने घेतला आहे. सकाळी 6 ते 8 आणि सायंकाळी 5 ते 7 दरम्यान ही उद्याने आजपासून उघडली आहेत. त्यानुसार उघडलेल्या पावसाची दखल घेत पुणेकरांची पावले गुरुवारी उद्यानात पडली. 65 वर्षांवरील नागरिकांनी उद्यानांचा वापर करू नये, असेही आवाहन महापालिकेने केले आहे.
...म्हणून भक्कम दिसणारी झाडे पावसाळ्यात पडतात उन्मळून
महापालिका आयुक्त शेखर गायकवाड यांनी उद्याने उघडण्याचा निर्णय 2 जून रोजी घेतला. त्यानुसार 3 जूनपासून उद्याने उघडणार होती. परंतु, बाधित क्षेत्र (कंटेन्मेंट झोन) वगळून उद्याने उघडायची असल्यामुळे उद्याने विभागाने आयुक्तांच्या आदेशाचा बुधवारी अभ्यास केला. त्यानुसार कंटेन्मेंट झोन आणि लगतचा परिसर तसेच लहान आकाराची उद्याने सोडून 31 उद्याने उघडण्यास गुरुवारी सुरूवात झाली आहे, अशी माहिती उद्यान अधीक्षक अशोक घोरपडे यांनी दिली.
- जगभरातून आणखी ३८ विमाने मुंबईत येणार; आतापर्यंत 'एवढ्या' नागरिकांना केले 'एअरलिफ्ट!'
उद्यानांबाबतची नियमावली...
- जॉगिंग करता येईल एवढी जागा आवश्‍यक
- पुरेसे अंतर राखून चालणे गरजेचे
- उद्यानांचा आकार मोठाच पाहिजे
- सामुदायिकपणे व्यायामप्रकार करण्यास बंदी
- धावणे आणि चालणे याच व्यायाम प्रकारांना परवानगी
- खेळणी, बाकडे आणि व्यायामाची साधने वापरण्यास बंदी
- 65 वर्षांवरील नागरिकांनी वापर न करण्याच्या सूचना
- सोशल डिस्टन्सिंगचे उल्लंघन केल्यास उद्याने बंद
- बारावीच्या विद्यार्थ्यांनो, फिजिक्स विषयाचा नवीन अभ्यासक्रम कसा आहे? जाणून घ्या
महापालिकेने परवानगी दिलेली 31 उद्याने
अनुक्रमांक ------------उद्यानाचे नाव - ---------ठिकाण
1 -----------------------दामोदरराव वागस्कर उद्यान -------कोरेगाव पार्क
2- -----------------मंगलप्रकाश उद्यान ----------------बी. टी. कवडे रोड
3- ------------अय्यप्पा उद्यान ---------------टिंगरेनगर
4---------------लुंबिनी उद्यान -----------म. हौ. बोर्ड, येरवडा
5---------------------प्रगती उद्यान ----------टिंगरेनगर
6-------------------रोहन शिंदे उद्यान ---------सर्वे क्र. 14, धानोरी
7---------------------- सुरेंद्र आनंद उद्यान --------गोकुळनगर, धानोरी
8------------------स्वामी विवेकानंद उद्यान ----जॉगर्स पार्क, विमाननगर
9-----------------उडाण जैवविविधता उद्यान--------सर्व्हे क्र.119, विमाननगर
10- ------------दामोदर गलांडे उद्यान ------------------कल्याणीनगर
11--------------भास्करराव शिंदे उद्यान -----------सर्व्हे क्र. 46, चंदननगर
12----------शिवाजी महाराज उद्यान ------- ब्रह्मा सनसिटी, वडगावशेरी
13-------------मारुतराव गायकवाड उद्यान ----------------औंध
14------------संजय निम्हण उद्यान --------------सोमेश्वरवाडी, पाषाण
15-------------विठोबा मुरकुटे उद्यान ---------------सर्व्हे क्र.35, बाणेर
16------------जयभवानी उद्यान -------------सर्व्हे क्र.113, सुतारवाडी, पाषाण
17-------------पंचवटी वनीकरण ---------------पंचवटी, पाषाण रस्ता
18-------------संभाजी महाराज उद्यान ---डेक्कन जिमखाना, शिवाजीनगर
19-------------कमला नेहरू पार्क उद्यान --- एरंडवणा
20---------------हिरवाई उद्यान ----------प्रभात रस्ता
21--------------पंडित भीमसेन जोशी उद्यान ---------भुसारी कॉलनी
22---------------तात्यासाहेब थोरात उद्यान --------------कोथरूड
23--------------शहीद मेजर प्रदीप ताथवडे उद्यान--- कर्वेनगर
24----------------डॉ. श्‍यामाप्रसाद मुखर्जी उद्यान ---पटवर्धन बाग
25----------------पृथक बराटे उद्यान ------------वारजे उड्डाण पुलाखाली
26------------------राजा मंत्री उद्यान -------------एरंडवणा
27---------------बाबूराव वाळवेकर उद्यान ---------सहकारनगर
28-----------------अहल्याबाई होळकर उद्यान ----------कात्रज
29--------------सिंहगड विकास उद्यान --------सर्व्हे क्र. 58, वडगाव बुद्रूक
30------------शहीद हेमंत करकरे उद्यान ---सर्व्हे क्र.15-16, सातववाडी
31--------------स्वामी विवेकानंद उद्यान ---सर्व्हे क्र. 36, कोंढवा
ताज्या बातम्यांसाठी डाऊनलोड करा ई-सकाळचे ऍप
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.