पुणे - नवले पूल येथे अपघाताची मालिका सातत्याने पाहायला मिळत आहे. काही दिवसांपूर्वीच याच पुलावर 25 ते 26 गाड्या एकमेकावर आदळल्या. या भीषण अपघातानंतर इथल्या सुरक्षेचा प्रश्न ऐरणीवर आला आहे. दरम्यान, अपघाताचा एक व्हिडीओ व्हायरल होत असून तो नवले पुलावरचा असल्याचं सांगण्यात येत आहे.
नवले पुलावर झालेल्या अपघातात २५ ते २६ गाड्या एकमेकांवर आदळल्या. कंटेनरने धडक दिल्याने हा अपघात झाला होता. याच अपघाताचा व्हिडीओ असं म्हणत एक व्हिडीओ सोशल मीडियावर व्हायरल होत होता. पण तो व्हिडीओ त्या अपघाताचा नाहीच, अशी माहिती आता समोर येत आहे. पवन अपडेट्स या ट्वीटर हँडलने याविषयीची माहिती दिली आहे.
हेही वाचा Elon Musk Takeover Twitter : ट्विटरची टिवटिव थांबणार का?
त्या माहितीनुसार, त्या रात्री नवले पुलावर झालेल्या अपघाताचा व्हिडिओ म्हणून एक व्हिडिओ व्हायरल होतो आहे. तो व्हिडीओ त्या अपघाताचा नाही. कारण, त्या अपघातातील ट्रक क्रमांक AP 02 TE 5858 असा होता. तर आता व्हायरल होत असलेल्या व्हिडिओत ट्रक नंबर MH -04 असा आहे. तसंच व्हिडीओमध्ये दिसलेली तारीखही जुनी दिसत आहे.
याच अकाऊंटवरुन पूर्वी अपघाताचा व्हिडीओ शेअर करण्यात आला होता. मात्र त्यानंतर याबद्दल स्पष्टीकरणही देण्यात आलं आहे. तसंच हा व्हिडीओ डिलीट करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
