Pune : अपघातात प्राध्यापक महिला जागीच ठार, अंगावरून गेले डंपरचे चाक

पुण्यात प्राध्यापक महिलेचा अपघातात जागीच मृत्यू झाला आहे. दुचाकीवरून कामावर निघालेल्या प्राध्यापक महिलेच्या अंगावरून डंपरचे चाक गेल्याने ही महिला जागीच ठार झाली असल्याची माहिती समोल आली आहे. आज सकाळी नऊच्या सुमारास सिंहगड रोडवर ही घटना घडली आहे. वृषाली तुषार थिटे असे मयत महिलेचे नाव असून त्या प्राध्यापक आहेत. दरम्यान, या प्रकरणी सिंहगड रोड येथील पोलिस ठाण्यात डंपर चालका विरोधात गुन्हा दाखल झाला आहे. (Accident News)

पोलिसांनी दिलेल्या माहितीनुसार, वृषाली थिटे या नऱ्हेमध्ये असणाऱ्या झील कॉलेजमध्ये प्राध्यापक म्हणून कार्यरत होत्या. नेहमीप्रमाणे आज सकाळी त्या कामावर दुचाकीवरून निघाल्या आहेत. वडगाव बुद्रुक येथील कॅनॉल शेजारी असलेल्या शिंदे मैदानाजवळ त्या आल्या असता तिकडून भरधाव आलेल्या डंपरने त्यांना धडक देताच वृषाली थेट चाकाखाली आल्याने त्यांचा मृत्यू झाला आहे. दरम्यान, डंपर चालक फरार असून, पोलिस पुढील तपास करत आहेत.