Pune: राष्ट्रीय शिक्षक पुरस्कार विजेत्या मृणाल गांजाळे यांनी राबवलेले उपक्रम राज्यभरात राबविण्याची गरज - दिलीप वळसे पाटील

मंचर - पुणे जिल्हा परिषद प्राथमिक शाळा स्तरावर राष्ट्रीय शिक्षक पुरस्कार विजेत्या शिक्षिका मृणाल गांजाळे शिंदे यांनी विद्यार्थ्यांच्या कलागुणांना वाव देण्यासाठी व आधुनिक तंत्रज्ञानाची गोडी निर्माण होण्यासाठी राबविलेले उपक्रम कौतुकास्पद आहेत. त्यांनीशिक्षण श्रेत्रात राबविलेले प्रयोग राज्यभरात राबवण्याची गरज आहे. असे राज्याचे सहकारमंत्री दिलीप वळसे पाटील यांनी सांगितले.

पिंपळगाव-खडकी (ता .आंबेगाव) येथील जिल्हा परिषद शाळेच्या शिक्षिका मृणाल गांजाळे शिंदे यांना राष्ट्रीय शिक्षक पुरस्कार जाहीर झाल्याबद्दल वळसे पाटील यांनी गांजाळे यांच्या मंचर निवासस्थानी भेट देऊन त्यांचा सन्मान केला.या प्रसंगी गांजाळे शिंदे यांचे सासरे बबनराव शिंदे, वडील नंदकिशोर गांजाळे, सासू शोभा शिंदे, पती मयूर शिंदे,

आई रंजना गांजाळे, बहिण भारती ढेरंगे, भीमाशंकर कारखान्याचे अध्यक्ष बाळासाहेब बेंडे, आंबेगाव तालुका राष्ट्रवादी काँग्रेसचे अध्यक्ष विष्णू हिंगे पाटील , मथा जी पोखरकर,प्रवीण मोरडे,सतीश बेंडे, सुहास बाणखेले, सुनील पोखरकर उपस्थित होते. शैक्षणिक गुणवत्ता वाढ व जिल्हा परिषद शाळा मधील विद्यार्थ्यांची पटसंख्या वाढीसाठी आवश्यक उपाययोजना बाबतही वळसे पाटील यांनी मृणाल गांजाळे यांच्या सोबत चर्चा केली.