pune dam
esakal
पुणे : शहराला पाणीपुरवठा करणारी खडकवासला, पानशेत, वरसगाव आणि टेमघर ही चारही धरणे शंभर टक्के भरल्याने पुणेकरांना मोठा दिलासा मिळाला आहे. धरणांच्या पाणलोट क्षेत्रात गेल्या तीन दिवसांपासून सातत्याने रिपरिप स्वरूपाचा पाऊस सुरू असल्याने जलसाठ्यात लक्षणीय वाढ झाली आहे. यंदाचा धरणांतील पाणीसाठा गेल्या वर्षीच्या तुलनेत तब्बल १२ टक्क्यांनी अधिक असल्याची नोंद करण्यात आली आहे. दरम्यान, खडकवासला धरणातून मुठा नदीपात्रात पाण्याचा विसर्ग सुरू आहे.
