पुणे - उद्योग, बांधकामे, महापालिकेची साफईची कामे, मेट्रोची कामे पुणे आणि पिंपरी चिंचवडमध्ये काही प्रमाणात सुरू झाली आहेत. येत्या दोन दिवसांत सुरू होणाऱ्या उद्योगांची संख्या वाढेल, असा प्रशासनाचा अंदाज आहे. ही कामे सुरू झाल्यामुळे परप्रांतातील मजूर गावी जाण्याऐवजी येथेच थांबत आहेत. त्यामुळे उद्योग, बांधकाम व्यावसायिक, कंत्राटदार आदींना दिलासा मिळाला आहे. या घडामोडींमुळे थांबलेल्या अर्थक्षेत्राला आता काही प्रमाणात ‘बूस्ट’ मिळू शकेल.
बांधकामांना काही प्रमाणात गती
थांबलेली बांधकामे सुरू होण्यासाठी प्रक्रिया सुरू झाली आहे. प्रकल्पस्थळी आता माणसे पोचू लागली आहेत. एक-दोन दिवसांत सुमारे ४० टक्के बांधकामे होतील. पोलिस, महापालिका व जिल्हा प्रशासन सहकार्य करीत आहे.
- अखिल अग्रवाल, पदाधिकारी, क्रेडाई
पुण्याच्या बातम्या वाचण्यासाठी येथे ► क्लिक करा
महापालिकेच्या काही कामांना सुरूवात
नाले सफाई, पावसाळी गटारे सफाई आदी कामे सुरू आहेत. रस्त्यांची कामे अद्याप सुरू करण्यात आलेली नाहीत. पुढील सूचना आल्यावर ती सुरू होतील.
- व्ही. जी. कुलकर्णी, पथ विभाग प्रमुख, पुणे महापालिका
मेट्रोच्या कामांना प्रारंभ
महापालिकेने कामे सुरू करण्यास परवानगी दिली आहे. वाहतूक बंद असल्यामुळे रस्त्यावरील कामे वेगाने सुरू आहेत. मनुष्यबळाची कमतरता अथवा कच्च्या मालाचा पुरवठा, यामध्ये कोणतीही अडचण नाही.
- हेमंत सोनावणे, महाव्यवस्थापक, महामेट्रो
उद्योगांची चाके फिरू लागली
उद्योग सुरू करण्यासाठी सरकारने परवानगी दिली. ‘रेड झोन’मध्ये मात्र, उद्योग बंद ठेवावे लागतील. दोन दिवसांत उद्योगांची गाडी काही प्रमाणात रुळावर येऊ शकेल.
- सदाशिव सुरवसे, उद्योग सहसंचालक
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.