रिक्षाचालकांचं CM शिंदेंना साकडं; विविध मागण्यांसाठी पुण्यात आंदोलन

पुण्यात रिक्षा चालकांकडून आज धरणे आंदोलन करण्यात येत आहे. पुण्यातील रिक्षाचालकांनी मुख्यमंत्री एकनाथ शिंदे यांच्याकडे ही मागणी केली आहे. आम आदमी पार्टी रिक्षा चालक संघटनेच्या वतीने आंदोलन कऱण्यात येत आहे.

आज पुण्यातील आरटीओ कार्यालयासमोर बेमुदत धरणे आंदोलन झालं. रिक्षा चालकांच्या विविध मागण्यांसाठी हे आंदोलन करण्यात आलं. बेकायदेशीर टॅक्सी बंद कराव्यात ही प्रमुख मागणी या रिक्षाचालकांची होती. पुण्यातील रिक्षांची मीटर वाढ ही खटवा समितीच्या नियमाप्रमाणे व्हावी अशी देखील मागणी या आंदोलनाच्या माध्यमातून करण्यात आली.

सीएनजीचे दर देखील रोज दोन पाच रुपयांनी वाढत आहेत. पेट्रोल आणि डिझेलचा टॅक्स कमी केला तसाच सीएनजीचा सुद्धा टॅक्स कमी करावा अशी मागणीही या रिक्षाचालकांनी मुख्यमंत्री एकनाथ शिंदे यांच्याकडे केली आहे.