पुणे हादरलं! बालाजीनगरात भरदिवसा आंदेकर टोळीचा गोळीबार, आरोपीच्या भावाची हत्या

पुणे शहरात गेल्या काही वर्षांपासून सुरू असलेलं टोळीयुद्ध पुन्हा एकदा उफाळून आल्याचं चित्र दिसत आहे. बालाजीनगर परिसरात झालेल्या भरदिवसा गोळीबाराच्या घटनेने संपूर्ण शहर हादरलं असून नागरिकांमध्ये भीतीचं वातावरण निर्माण झालं आहे. या हल्ल्यात एका तरुणाचा मृत्यू झाला असून एक जण गंभीर जखमी झाला आहे. जखमीवर सध्या रुग्णालयात उपचार सुरू आहेत.