पुण्यासह सातारा जिल्हा आणि परिसरात गेल्या आठ दिवसांपासून मोठा पाऊस कोसळत आहे. या पावसामुळे पुणे-सातारा-बंगळुरू महामार्गावर अनेक ठिकाणी पाणी जमा झाले आहे. सर्व्हिस रोड पाण्याखाली गेले आहेत. तसेच या पावसामुळे मार्गावर अनेक ठिकाणी खड्डेही पडले आहेत. आज रविवार सुट्टीचा दिवस असल्याने महामार्गावर सकाळपासून शिंदेवाडी ते कापूरहोळपर्यंत वाहनांच्या रांगा लागल्या आहेत. मोठी वाहतूक कोंडी झाली आहे.