Pune : शरीरविक्री करणाऱ्या महिलांच्या मुलांची दिवाळी झाली आनंदी व गोड

पाली : पालीतील अंकुश आपटे यांनी त्यांच्या आयुष्य व्यसनमुक्ती व पुनर्वसन केंद्रातर्फे दिवाळी सणाचे औचित्य साधून पुण्यातील बुधवार पेठेतील शरीरविक्री करणाऱ्या महिलांच्या मुलांना तेथे जाऊन किल्ले, आकाश कंदील व दिवाळीचा फराळ दिला आणि अनोख्या पद्धतीने दिवाळी साजरी केली.

यावेळी लहान मुलांच्या चेहऱ्यावर हास्य व आनंद खूप काही सांगून जात होता. यावेळी येथील महिला म्हणाल्या की इतक्या वर्षात पहिल्यांदा आमच्या घरात लहान मुलांसाठी कोणीतरी खाऊ व दिवाळीचे साहित्य आणले आहे. या विधायक उपक्रमामुळे खूप समाधान मिळाले. विविध सणांमध्ये असे वेगवेगळ्या प्रकारचे विधायक व लोकोपयोगी उपक्रम नियमित राबवित असतो असे अंकुश आपटे यांनी सांगितले.