पुणेकरांच्या अंगावर पुन्हा स्वेटर; गारठा कायम

पुणे - शहर आणि परिसरात हवेतील गारठा कायम आहे. आकाश निरभ्र असल्याने पुढील तीन ते चार दिवस हा गारठा राहील, असा अंदाज हवामान खात्याने वर्तविला. पुण्यात रविवारी सकाळी साडेआठ वाजेपर्यंत किमान तापमान १०.८ अंश सेल्सिअस नोंदले गेले. राज्यात सर्वांत नीचांकी किमान तापमान नाशिक येथे १० अंश सेल्सिअसची नोंद झाली. पुढील तीन ते चार दिवस आकाश निरभ्र राहणार असल्याने किमान तापमानाचा पारा ११ ते १३ अंश सेल्सिअसच्या दरम्यान राहील.

मराठ्यांनी घेतलेला पानिपतचा बदला

राज्यात हवामान झाल्याने मध्य महाराष्ट्र, मराठवाडा व विदर्भातील थंडीत चांगलीच वाढ झाली आहे. पुढील चार ते पाच दिवस कमीअधिक स्वरूपात थंडी राहणार आहे. उत्तर भारतातील काही राज्यांत थंडीची लाट असल्यामुळे राज्याच्या काही भागांत थंडी वाढली आहे. दिवसभर ऊन पडत असले तरी दुपारी उन्हाचा चटका वाढू लागला आहे. मात्र, वाढत्या थंडीमुळे हा चटकाही ऊबदार वाटत आहे. सायंकाळी काही प्रमाणात थंडी कमी असली तरी मध्यरात्रीनंतर चांगलीच थंडी वाढत आहे. पहाटे किमान तापमानाचा पारा घसरून दहा अंश सेल्सिअसच्या खाली येत आहे. राज्यात किमान तापमानात सरासरीच्या तुलनेत ५ अंश सेल्सिअसपर्यंत घट झाली आहे. राज्यातील पुणे, जळगाव, नगर, नाशिक, निफाड, परभणी कृषी विद्यापीठ, गोंदिया या भागात किमान तापमान जवळपास दहा अंश सेल्सिअस तर काही ठिकाणी त्याहून कमी आहे. 

पुण्यात खरेदीसाठी आलेल्या कुटुंबावर काळाचा घाला; डाळज येथे भीषण अपघातात 3 ठार

कोल्हापूर, सातारा, सांगलीत थंडी कमी
कोकणात थंडी कमी-जास्त होत असल्याने किमान तापमान १५ ते २२ अंश सेल्सिअसच्या दरम्यान आहे. तर अलिबागमध्ये किमान तापमानाचा पारा १५.२ अंश सेल्सिअसपर्यंत खाली आला आहे. मध्य महाराष्ट्रात थंडी कायम असल्याने किमान तापमान जवळपास सरासरीएवढे आहे. कोल्हापूर, सातारा, सांगली भागात थंडी किंचित कमी आहे. त्यामुळे किमान तापमानात सरासरीच्या तुलनेत एक ते दोन अंश सेल्सिअसने वाढलेले आहे.

पुण्यात तरुणीची आत्महत्या; विदर्भातील मंत्र्यांशी अफेअरची चर्चा

मराठवाड्यात थंडी काही प्रमाणात वाढलेली आहे. त्यामुळे किमान तापमान १० ते १७ अंश सेल्सिअसच्या दरम्यान आहे. विदर्भातील अनेक भागात थंडी कायम आहे. त्यामुळे किमान तापमानाचा पारा अजूनही चांगलाच घसरलेला आहे.

Edited By - Prashant Patil