पुण्यामध्ये दिवसभरात एक हजार ३५२ रूग्ण

पुणे : सलग दुसऱ्या दिवशी पुणे जिल्ह्यात कोरोनाच्या रुग्णसंख्येने दोन हजारांचा टप्पा बुधवारी ओलांडला. त्यापैकी ५४ टक्के (एक हजार ३५२) रुग्ण एकट्या पुणे शहरातील आहेत. शहरात फेब्रुवारीपासून कोरोनाबाधितांचे प्रमाण पुन्हा वाढण्यास सुरवात झाली. पुण्यात ३० सप्टेंबरला एक हजार ३३६ रुग्ण होते. त्यानंतर सहा महिन्यांनी पुण्यात कोरोनाबाधीत रुग्णांचा आकडा एक हजार ३५२ पर्यंत वाढला. त्यामुळे आता ही दुसरी लाट आहे का, अशी चर्चा पुणेकरांमध्ये सुरू झाली.

सध्या दिसणारी वाढ ही अचानक काही दिवसांपुरती आहे की, दुसऱ्या लाटेची सुरवात आहे, हे पुढील काही दिवसांमध्ये कळेल, अशी माहिती सार्वजनिक आरोग्य खात्यातील तज्ज्ञांनी दिली. ही दुसरी लाट असेल, असे गृहित धरले तरीही गेल्या वर्षीच्या तुलनेत आपली आरोग्य यंत्रणा आता खूप सुसज्ज आहे, असा विश्वास साथरोग तज्ज्ञांनी व्यक्त केला.

पुणे महापालिकेतील कर्मचाऱ्यांची दिवाळी; तब्बल १८ हजार जणांना सातवा वेतन आयोग लागू

आपल्याकडे आता मोठ्या प्रमाणात लसीकरण सुरू आहे. त्याची व्याप्ती अजून वाढवायची आहे. कोरोनाचा संसर्ग झाला तरीही लसीकरणामुळे रुग्ण अत्यवस्थ होण्याचे प्रमाण खूप कमी होईल. ऑक्सिजन आणि व्हेंटिलेटर जाणाऱ्या रुग्णांची संख्या कमी झाल्याने मृतांचे प्रमाण सध्या आपल्याला कमी झालेले दिसते. त्याच वेळी पुरेशा ऑक्सिजन बेड, व्हेंटीलेटर्स उपलब्ध असल्याने गेल्या वर्षीसारखी वेळ पुन्हा येणार नाही, असाही तज्ज्ञांनी स्पष्ट केले.

दृष्टीक्षेपात कोरोना उद्रेक

आजची संख्या
तपासलेले नमुने ................ ७७२१
कोरोनाबाधीत रुग्ण .......... १३५२
अत्यवस्थ रुग्ण ............... ३६४
ऑक्सिजन असलेले रुग्ण .... ७२१
मृत्यू ................................. ७

पुणे पोलिस आयुक्तांचा दणका; आणखी दोन टोळ्यांवर मोक्कांतर्गत कारवाई