Pune crime: पुण्यात चाललंय तरी काय! कोयता गॅंगसोबत, वाहनांची तोडफोड करणारी टोळी सक्रीय

Pune crime: गेल्या काही महिन्यांपासून पुणे शहराला 'कोयता गँग' चे ग्रहण लागले आहे. मध्यवर्ती भाग असो किंवा उपनगर, टोळक्यांकडून अनेक वेळा कोयत्यासारखे धारदार शस्त्र घेऊन दहशत माजवण्याचे प्रकार शिक्षणाचे माहेरघर म्हणून ओळख असलेल्या पुण्यात सर्रास सुरू आहेत.

दरम्यान कोयता गॅंगची दहशद मोडत नाही तो पर्यंतचं आता वाहनांची तोडफोड करणारी टोळी सक्रीय झाली आहे. गेल्या दहा दिवसांपासून पुण्यात रात्री मध्यरात्री काही तरूण टोळकी तोंडाला मास्क लावून हातात दगड, दांडकी घेवून गाड्यांची तोडफोड करत आहेत. रविवारी मध्यरात्रीच्या सुमारास गोखले नगर भागात या टोळक्यांनी गाड्यांची तोडफोड केली.

या तोडफोडीत दुचाकी आणि चारचाकी गाड्यांचं मोठ्या प्रमाणात नुकसान झाले आहे. चारचाकी गाड्यांच्या काचा फोडल्या तर दुचाकी गाड्यांच्या पेट्रोलच्या टाक्या फोडल्या. यामध्ये पाच ते सहा जणांच्या टोळक्यानी हातात शस्त्र घेऊन ही तोडफोड केली. गेल्या काही महिन्यांपासून पुण्यात प्रचंड गुन्हेगारी वाढली आहे. मागील काळात नवीन पोलीस आयुक्त आल्यानंतरही पुण्यात कायदा सुव्यवस्थेचे धिंडवडे निघाले.