बिर्याणीचे पैसे मागितल्याच्या रागातून मारहाण करणाऱ्यांवर गुन्हा

उंड्री : बिर्याणीचे पैसे मागितल्याच्या रागातून मारहाण करून नुकसान करणाऱ्या तिघांवर हडपसर पोलिसांनी गुन्हा दाखल केला. काळेबोराटेनगर येथे १२ जानेवारी २०२२ रोजी ही घटना घडली. (Pune Crime News)

मुईनुद्दीन खान (वय ४२, रा. बोराटेनगर, हडपसर) यांनी हडपसर पोलीस स्टेशनमध्ये फिर्याद दिली असून, त्यानुसार गुन्हा दाखल केला आहे.

पोलिसांनी सांगितले की, काळेबोराटेनगरमधील यशराज ग्रीन कास्टल येथे फिर्यादी केटरिंगचे काम करत होते. त्यावेळी आरोपीने साथीदाराच्या मदतीने बिर्याणीचे पैसे मागितल्याच्या कारणावरून धमकी देत शिवीगाळ करीत, टिक्का भाजण्याच्या सळईने मारहाण केली.

दुकानातील टाईल्स फोडून नुकसान केले, सळई हवेत फिरवून आजूबाजूच्या दुकानदारांना दुकाने बंद करण्यास भाग पाडून परिसरात दहशत निर्माण केली. हडपसर पोलीस स्टेशनचे सहायक पोलीस निरीक्षक आर. गायकवाड पुढील तपास करीत आहेत.