लोणीकंद येथील बापलेकाच्या खूनप्रकरणी तिघांना अटक | Sakal
sakal

बोलून बातमी शोधा

crime case
लोणीकंद येथील बापलेकाच्या खूनप्रकरणी तिघांना अटक

लोणीकंद येथील बापलेकाच्या खूनप्रकरणी तिघांना अटक

पुणे - पुर्वी झालेल्या भांडणाच्या रागातुन टोळक्‍याने बापलेकावर धारदार शस्त्रांनी वार करुन त्यांचा खुन (Murder) केल्याच्या घटनेतील तीन आरोपींना (Accused) लोणीकंद पोलिसांनी बेड्या (Police Arrested) ठोकल्या. हि घटना बुधवारी रात्री सात वाजण्याच्या सुमारास लोणीकंदमध्ये (Lonikand) घडली होती.

प्रतिक अनिल कंद (वय 28 ), आशुतोष नानासाहेब शिंदे आणि नानासाहेब शिंदे (सर्व रा. लोणीकंद) अशी अटक केलेल्यांची नावे आहेत. त्यांच्या इतर साथीदारांचा शोध सुरू आहे. प्रथमेश उर्फ सनी कुमार शिंदे (वय 22), कुमार मारूती शिंदे (वय 55, दोघेही रा. शिंदे वस्ती, लोणीकंद) अशी खून झालेल्या बाप-लेकाची नावे आहेत.

पोलिसांनी दिलेल्या माहितीनुसार, मागील वर्षी फेब्रुवारी महिन्यात सचिन शिंदे नावाच्या तरुणाचा खून झाला होता. याप्रकरणी प्रथमेश ऊर्फ सनी शिंदे याच्याविरुद्ध गुन्हा दाखल होता. संबंधित गुन्ह्याप्रकरणी तीन महिन्यांपूर्वी तो जामीनावर कारागृहाबाहेर आला होता.

हेही वाचा: पुणे : बलात्कारप्रकरणी नराधम बापास मरेपर्यंत जन्मठेपेची शिक्षा

बुधवारी रात्री सातच्या सुमारास प्रथमेश उर्फ व त्याचे वडील कारमधून लोणीकंदमधून शिंदे वस्तीकडे निघाले होते. त्यावेळी पाठीमागून कारमधून आलेल्या प्रतीक कंद, आशुतोष शिंदे व नानासाहेब शिंदे यांनी त्यांच्या साथीदारांच्या मदतीने सनीवर धारदार शस्त्रांनी वार केले. त्यावेळी वडील कुमार शिंदे हे सनीला वाचविण्यासाठी गेले. त्यावेळी टोळक्‍याने त्यांच्यावरही धारदार शस्त्रांनी वार केले. या घटनेत दोघेही गंभीर जखमी झाल्याने दोघांचाही मृत्यु झाला. या घटनेनंतर आरोपी पसार झाले होते. त्यानंतर लोणीकंद पोलिसांनी आरोपींचा शोध घेऊन त्यांना तत्काळ अटक केली. वरिष्ठ पोलिस निरीक्षक गजानन पवार, पोलिस निरीक्षक राजेश तटकरे, सहाय्यक क पोलिस निरीक्षक निखील पवार, पोलिस उपनिरीक्षक सुरज गोरे यांच्या पथकाने हि कारवाई केली.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top