Pune : वडकीत तरुणावर कोयत्याने वार

पुणे - पूर्ववैमनस्यातून चारजणांच्या टोळक्याने एका तरुणावर कोयत्याने वार करून गंभीर जखमी केले. ही घटना वडकी (ता. हवेली) येथील फिल्म गार्ड कंपनीसमोर बुधवारी सायंकाळी घडली.

या घटनेत ज्ञानेश महादेव म्हात्रे (वय २०, रा. दिवे, ता. पुरंदर) हा गंभीर जखमी झाला आहे. या तरुणाने फिर्याद दिल्यावरून लोणी काळभोर पोलिस ठाण्यात प्रणव संतोष निगडे आणि त्याच्या तीन साथीदारांविरुद्ध गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी ज्ञानेश हा दुचाकीवरून घरी जात होता. त्यावेळी पूर्वी झालेल्या भांडणाच्या कारणावरून टोळक्याने तरुणाला हॉकी स्टीक आणि लाकडी दांडक्याने मारहाण केली. तसेच, तरुणावर कोयत्याने वार करून ते पसार झाले.