पुणे विभागातील पंचवीस उपजिल्‍हाधिकाऱ्यांच्या बदल्या

पुणे - विधानसभा निवडणुकीच्या पार्श्‍वभूमीवर पुणे विभागातील २५ उपजिल्हाधिकाऱ्यांच्या बदल्या केल्या आहेत. उपजिल्हा निवडणूक अधिकारी मोनिका ठाकूर यांची साताऱ्याच्या उपजिल्हा निवडणूक अधिकारीपदी, तर त्यांच्या जागी मृणालिनी सावंत यांची नियुक्ती केली आहे. 

पुणे शहर प्रांत भाऊ गलांडे यांची कोल्हापूरच्या निवासी उपजिल्हाधिकारीपदी बदली झाली असून त्यांच्या जागी संतोषकुमार देशमुख यांची नियुक्ती केली आहे. नोंदणी महानिरीक्षक सोनप्पा यमगर यांची पिंपरी-चिंचवड नवनगर प्राधिकरणाच्या उपमुख्य कार्यकारी अधिकारीपदी नियुक्ती केली आहे. एकाच पदावर तीन वर्षे पूर्ण झालेल्या उपजिल्हाधिकाऱ्यांच्या बदल्या केल्या आहेत. या अधिकाऱ्यांना तत्काळ पदस्थापनेच्या पदावर रुजू होण्याचे आदेश दिले आहेत. तसेच जे अधिकारी विधानसभा निवडणुकीचे निवडणुकीचे निर्णय अधिकाऱ्यांना ९ ते ११ या दरम्यान यशदा येथे प्रशिक्षण पूर्ण करणे आवश्‍यक आहे, असे आदेशात नमूद आहे.