Diwali Sweet Alert in Pune FDA Destroys 1491 Kg of Ladoo Boondi and Barfi After Inspections at Two Sweet Shops
esakal
पुणे: दिवाळी सणाच्या काळात नागरिकांच्या आरोग्याशी खेळ करणाऱ्या मिठाई उत्पादक आणि विक्रेत्यांविरोधात अन्न व औषध प्रशासनाने (एफडीए) कारवाईचा बडगा उगारला आहे. एफडीएने शहर व जिल्ह्यात दोन ठिकाणी कारवाई करत कोंढवा बुद्रुक येथील गायत्री लाडू भांडारमधून १ हजार १८८ किलो मोतीचूर लाडू आणि बुंदी, तर आळंदी येथील आर. बिकानेर मिठाई केंद्रातून ३०३ किलो बर्फीचा साठा जप्त करून जागेवरच नष्ट करण्यात आला. दोन्ही कारवायांमध्ये एकूण १ हजार ४९१ किलो मिठाई नष्ट करण्यात आली असून, त्याची अंदाजे किंमत २ लाख ९४ हजार ९०० रुपये आहे.
