पुणे - पुणे जिल्ह्यातील १८६ ग्रामपंचायतीच्या पंचवार्षिक निवडणुकीसाठी तर, ३१ ग्रामपंचायतीच्या पोटनिवडणुकीसाठी रविवारी (ता. ५) मतदान झाले. यामध्ये पंचवार्षिक निवडणुकीसाठी ८०.५२ टक्के तर, पोटनिवडणुकीसाठी ७९.६८ टक्के मतदान झाले. जिल्ह्यात सर्वाधिक ८६.१८ टक्के मतदान मावळ तालुक्यात तर, सर्वांत कमी म्हणजेच ७३.९६ टक्के मतदान जुन्नर तालुक्यातील ग्रामपंचायतींसाठी झाले आहे.
आज मतदान झालेल्या सर्व ग्रामपंचायतींच्या निवडणुकीची मतमोजणी येत्या सोमवारी (ता.६) त्या त्या तालुक्याच्या ठिकाणी केली जाणार आहे.
पुणे जिल्ह्यातील २३१ ग्रामपंचायतीची पंचवार्षिक तर, १४२ ग्रामपंचायतीची पोटनिवडणूक जाहीर करण्यात आली होती. जिल्ह्यातील पंचवार्षिक निवडणुकीसाठीच्या २३१ पैकी दोन ग्रामपंचायतीची निवडणूक रद्द करण्यात आली होती.
त्यामुळे उर्वरित २२९ ग्रामपंचायतींसाठी ही निवडणूक घेण्यात आली. यापैकी ४३ ग्रामपंचायतीची निवडणूक बिनविरोध झाली होती. त्यामुळे उर्वरित १८६ ग्रामपंचायतींसाठी आज मंतदान घेण्यात आले. पोटनिवडणुकीच्या १४२ ग्रामपंचायतीपैकी १११ ग्रामपंचायतीची पोटनिवडणूक बिनविरोध झाली आहे. त्यामुळे उर्वरित केवळ ३१ ग्रामपंचायतींच्या पोटनिवडणुकीसाठी मतदान घेण्यात आले.
या ग्रामपंचायतीच्या पंचवार्षिक निवडणुकीत ३ लाख ५ हजार ५६९ मतदारांनी मतदानाचा हक्क बजावला.
तालुकानिहाय झालेले मतदान (टक्केवारीत)
- वेल्हे ---८२.२४
- भोर ---- ८३.५०
- पुरंदर --- ८३.३०
- दौंड ---- ७८.८५
- इंदापूर ---- ७८.७८
- बारामती --- ८५.९२
- जुन्नर ---- ७३.९६
- आंबेगाव ----७५.२८
- खेड ---- ८२.२४
- शिरूर --- ८०.९४
- मावळ --- ८६.१८
- मुळशी ---- ८२.१८
- हवेली ---- ८१.७५
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
