फक्त एक तासाच्या पावसानंतर पुण्यातील बहुतांश भागात पाणी साचलं आहे. तासाभराच्या पावसाने जर पुणे जलमय होत असेल तर पुन्हा महापालिकेच्या कामावर संताप व्यक्त केला जात आहे. सोमवारी सायंकाळी आणि मंगळवारी दुपारी झालेल्या पावसानं शहराती अनेक रस्त्यांवर पाणी साचलं. कोथरूड, सिंहगड रस्ता, बाणेर-बालेवाडी, नऱ्हे या भागात सध्या जोरदार पाऊस पडत आहे. यामुळे रस्त्यांवर पाणीच पाणी झाले असून वाहनचालकांना मोठ्या त्रासाला सामोरे जावे लागत आहे.
