हुकलेली संधी पुन्हा मिळाली; हॉटेल, लॉज व गेस्ट हाऊस चालकांच्या वाढल्या अपेक्षा

पुणे : कोरोनामुळे अक्षरशः दिवाळे निघालेल्या हॉटेल चालकांना व्यवसाय सुरू करण्याची परवानगी दिल्याने त्यांच्या आशा पुन्हा पल्लवित झाल्या आहेत. गेल्या महिन्यात देखील असे आदेश काढण्यात आले होते. मात्र, लॉकडाऊनने त्यावर पाणी फिरवले होते. त्यामुळे यावेळी सुद्धा असे काही होणार नाही ना अशी धास्ती त्यांच्या मनात आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

पार्सल सेवा पुरवणारे वगळता लॉकडाऊन सुरू झाल्यापासून शहरातील हॉटेल व्यवसाय पूर्णतः ठप्प आहे. हॉटेलचे भाडे, कामगारांचा पगार,  कर्ज या आर्थिक बाबींचा मेळ घालताना हाती काहीच राहत नसल्याने हे व्यावसायिक मेटाकुटीला आले आहेत. गेल्या महिन्यात तर अगदी या सर्वांच्या तोंडचा घास हिसकावण्यात आला होता.

महिनाभरानंतर त्यांना पुन्हा ही संधी उपलब्ध झाली आहे. पण गेल्याच महिन्यात जर आम्हाला व्यवसाय सुरू करण्याची परवानगी मिळाली असती तर आतापर्यंत आमच्या अर्थ चक्राला काहीशी गती मिळाली असती. महिनाभर व्यवसाय बंद ठेवून काय साध्य झाले? असा सवाल हॉटेलचालक करीत आहेत.

रूम असलेले हॉटेल, लॉज आणि गेस्ट हाऊसला परवानगी मिळाल्याने केवळ जेवण पुरवणारे हॉटेल सुरू करण्यासाठी सकारात्मक वातावरण निर्माण झाले आहे. येत्या काही दिवसांत त्यांना देखील हॉटेल सुरू करण्याची परवानगी मिळू शकते.
 

पुण्यात बसची वाट पाहत होती महिला, लिफ्ट देतो म्हणाला आणि 

पुणेकरांनो, शक्यतो घरातच राहा! बाहेर जाणार असला तर, महत्त्वाची बातमी वाचा

तर नाहक झालेला खर्च वाचला असता : 
पूर्वी दिलेल्या परवानगीमुळे व्यवसायिकांनी कामगारांना बोलावून घेतले होते. सध्या हे सर्व बसून आहेत. कामावर हजर झाल्याने त्यांना पगारही द्यावा लागत आहे. मागील वेळी परवानगीचा गोंधळ झाला नसता तर आमचा हा सर्व खर्च वाचला असता, अशी भावना हॉटेल व्यावसायिक व्यक्त करत आहे. तेव्हा घेतलेला किराणा आणि दुग्धजन्य पदार्थ देखील आम्हाला कमी भावात इतरांना द्यावे लागले. त्यातील काही माल खराबही झाला होता, असे व्यवसायिकांनी सांगितले.

'लॉकडाऊन सुरू झाल्यापासून घरीच आहे. व्यवसाय सुरू नसल्याने पगार देऊ शकत नाही,'' असे मालक सांगतात. सुरुवातीच्या काळात त्यांनी काही मदत केली मात्र, आता त्यांचा देखील नाईलाज आहे. पगारच मिळत नसल्याने घरी किराणा मालासाठी देखील पैसे शिल्लक नाही. शहरातील सर्व हॉटेल पूर्ण क्षमतेने परवानगी देणे गरजेचे आहे.
- हॉटेल कामगार

''सर्व हॉटेल व्यवसाय सुरू करण्यास परवानगी मिळावी याबाबत आमचा पाठपुरावा सुरू आहे. शासनाने ठरवून दिलेल्या नियमांप्रमाणे कामकाज करण्यास आमची तयारी आहे. आतापर्यंत हॉटेल व्यावसायिकांच्या झालेल्या नुकसानीचा विचार करता त्वरित परवानगी द्यावी.''
- गणेश शेट्टी, अध्यक्ष, पुणे रेस्टॉरंट अँड हॉटेलियर्स असोसिएशन 

- Breaking : हॉटेल, लॉज, मॉल्सबाबत महापालिकेने घेतला महत्त्वाचा निर्णय; वाचा सविस्तर बातमी​

पिस्तुलाचा धाक दाखवत महिलेला जीवे मारण्याची दिली धमकी; जगताप, बऱ्हाटेविरुद्ध पाचवा गुन्हा दाखल!