Traffic Issue : पुणे-नाशिक महामार्गावर वाहतूकीची कोंडी; प्रवाशी, वाहनचालक यांना मनस्ताप

नारायणगाव - येथील पुणे-नाशिक महामार्गावर आज सायंकाळी वाहतूकीची कोंडी झाल्याने प्रवाशी, वाहनचालक यांना मनस्ताप सहन करावा लागला. येथील पुणे-नाशिक महामार्गाला बाह्यवळण रस्ता काढण्यात आला आहे. मात्र नारायणगाव शहरातून जाणाऱ्या जुन्या पुणे नाशिक महामार्गावरील वाहतूकीची कोंडीची समस्या सुटली नाही.

आज दुपारनंतर नारायणगाव शहराला जोडणारे पुणे-नाशिक महामार्गावरील बसस्थानक चौक, कोल्हेमळा रस्ता, बाजारपेठ -जुन्नर रस्ता, खोडद रस्ता या भागात वाहतूकीची कोंडी झाली होती. वाहतूक सुरळीत करण्यासाठी पोलिसांची धावपळ झाली. जोपर्यत पोलीस, सार्वजनिक बांधकाम विभाग व स्थानिक ग्रामपंचायत एकत्र येऊन ठोस उपाययोजना व कारवाई करत नाही, तोपर्यत वाहतूक कोंडीची समस्या सुटणार नाही.

वाहतूकीची कोंडीची करणे -

• दोन ट्रॅक्टर ट्रॉलीचा वापर करून होणारी धोकादायक ऊस वाहतूक

• महामार्गलगत नो पार्किंग झोनमध्ये चारचाकी व दुचाकींची पार्किंग

• महामार्गलगत वाढलेली अतिक्रमणे

• मागील काही वर्षात वाहनांच्या संख्येत झालेली विक्रमी वाढ

• अतिक्रमणामुळे होणारा वाहतुकीस अडथळा

• वाहतूक नियमांचे उल्लंघन

• पोलिसांचे कारवाई बाबत बोटचेपे धोरण

• अतिक्रमण धारकांना राजकिय आश्रय