लोणावळ्यातील दुहेरी खून चोरीच्या उद्देशाने; दोघांना अटक

Lonavala double murder case
Lonavala double murder case

लोणावळा - लोणावळा शहरासह संपूर्ण महाराष्ट्र हालवून सोडलेल्या लोणावळा शहरातील महाविद्यालयीन युवक युवतीच्या दुहेरी खून प्रकरणी दोघांना अटक करण्यात आली असून, चोरीच्या उद्देशाने खून झाल्याचे समोर आले आहे. 

मिळालेल्या माहितीनुसार, या दुहेरी खूनाचा छडा लावण्यात अखेर सव्वादोन महिन्यांनी पोलिसांना यश आले. पुणे ग्रामीण पोलिसांच्या स्थानिक गुन्हे शाखेने या प्रकरणी दोघांना आज (रविवार) ताब्यात घेतले आहे. असिफ शेख व सलिम शेख उर्फ सँन्डी (दोघेही रा. लोणावळा) अशी अटक झालेल्यांची नावे आहेत. आरोपी हे नशेखोर असून किरकोळ पैशासाठी हा खून झाल्याचे समजते

लोणावळ्यातील आयएनएस शिवाजी केंद्राजवळ सिंहगड महाविद्यालयातील अभियांत्रिकीच्या शेवटच्या वर्षात शिकत असलेल्या सार्थक वाकचौरे व श्रुती डुंबरे यांचा डोक्यात दगड घालून खून करण्यात आला होता. ताब्यात घेण्यात आलेले आरोपी रेकॉर्डवरील गुन्हेगार असल्याची माहिती पुढे येत आहे. पोलिस अधिक तपास करत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com