पुणे : पिस्तुलाचा धाक दाखवून अडीच लाख पळवणारा पोलिसांच्या जाळ्यात; साथीदार फरार

Crime_Pistol
Crime_Pistol

खेड-शिवापूर : पुणे-सातारा रस्त्यावरील खेड-शिवापूर येथील पेट्रोल पंपावर पिस्तूलचा धाक दाखवून लूट करणाऱ्या टोळीतील एकास स्थानिक गुन्हे अन्वेषण विभागाने (एलसीबी) बुधवारी (ता.१७) ताब्यात घेतले आहे. रामधन भागीरथी विश्वकर्मा (वय 39, रा. संतोषनगर कात्रज, मूळ रा. लालगंज, जि. बस्ती, उत्तर प्रदेश) असे ताब्यात घेतलेल्या संशयीत आरोपीचे नाव आहे. तर इतर दोन आरोपी फरारी आहेत.

याबाबत स्थानिक गुन्हे अन्वेषण विभागाकडून माहिती मिळाली. आठ दिवसांपूर्वी खेड-शिवापूर येथील पेट्रोल पंपावर अज्ञात इसमांनी पिस्तुलाचा धाक दाखवून सुमारे अडीच लाख रुपयांची लूट केली होती. सदरचा गुन्हा गंभीर स्वरूपाचा असल्याने त्याचा तपास स्थानिक गुन्हे शाखेकडे देण्यात आला होता. त्याचा तपास करत असताना संतोषनगर, कात्रज येथील रामधन विश्वकर्मा याच्या घरी उत्तर प्रदेशची दोन मुले आली होती आणि त्यांच्याकडे पिस्तुल असल्याची माहिती 'एलसीबी'ला  मिळाली होती.

त्यानुसार 'एलसीबी'ने रामधन विश्वकर्मा याला बुधवारी दत्तनगर, कात्रज येथून ताब्यात घेतले. यावेळी त्याने राजसिंग उर्फ राजकुमार (वय 20, रा. कबरा, जि. बस्ती, उत्तरप्रदेश) आणि सूरज कुमार (वय 18, रा.कबरा, उत्तरप्रदेश) यांच्यासह मोटार सायकलवर जाऊन सदरचा गुन्हा केल्याची कबुली दिली आहे. त्यानुसार विश्वकर्मा याला पुढील तपासासाठी राजगड पोलिसांच्या ताब्यात देण्यात आले आहे. तर राजसिंग आणि सूरजकुमार हे दोघेजण फरार आहेत.

पुणे ग्रामीण पोलीस अधीक्षक अभिनव देशमुख यांच्या आदेशानुसार स्थानिक गुन्हे शाखेचे वरिष्ठ पोलिस निरीक्षक पद्माकर घनवट यांच्या मार्गदर्शनाखाली 
फौजदार अमोल गोरे, पोलिस नाईक राजू मोमीन, अमोल शेडगे, मंगेश भगत, अक्षय नवले, अक्षय जावळे, प्रमोद नवले, राजेंद्र थोरात, ज्ञानेश्वर क्षीरसागर, गुरू जाधव, प्रसन्न घाडगे यांच्या पथकाने ही कारवाई केली.

- पुणे शहर आणि जिल्ह्यातील बातम्या वाचण्यासाठी येथे ► क्लिक करा

(Edited by: Ashish N. Kadam)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com