Video:जिना कोसळला, घरात अडकलेल्या आजींची नाट्यमय सुटका

पुणे : पुण्यात कधी काय होईल याचा नेम नाही! अशीच एक घटना आज(ता.20)
पुण्यात घडली आहे. शिवाजी रस्त्यावर बुधवार पेठ परिसरातील एका घरात एक आजी अडकल्या होत्या. दरम्यान, आजींना वाचविण्यासाठी पोलिस आणि अग्निशामक दल पोहचले खरे, पण आजी मात्र घरातून बाहेर यायलाच तयार होईना. अखेर आजींचे मन वळवून पोलिसांनी त्यांचा जीव वाचविला आहे. घरात ये-जा करण्याचा एकमेव रस्ता असलेला जीना तुटल्याने आजी बाहेर येण्यासाठी उडी मारण्याची शक्यता पोलिसांना वाटत होती. त्यामुळे अग्निशामक दलाच्या जवानांच्या मदतीने आजींना बिल्डिंगच्या बाहेर काढले आहे.

दरम्यान, घडनेची माहिती मिळताच फराज खाना पोलीस आणि अग्निशमन दल तातडीने घटनास्थळी पोहचले. आजींना खाली उतरविण्यासाठी पोलिसांना आणि अग्निशामक दलाच्या जवानांना बरीच मेहनत घ्यावी लागवली, कारण आजी घरातून बाहेर येण्यास तयार होत नव्हत्या.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा 

पोलिसांनी आजींना थोड चहा-नाश्ता देऊन, त्यांच्याशी बोलून मन वळविण्याचा प्रयत्न केला आणि तो यशस्वी झाला. अखेर आजींच्या कंबरेला दोरखंड बांधून, जीना लावून बिल्डिंगमधून खाली उतवले. दरम्यान, आजींच्या मानसिक संतलून बिघडले असल्याची शक्यता असून पोलिसांनी त्यांना ससून रुग्णालयात उपचारासाठी पाठवले आहे.