पुणे : मद्यपान करुन वाहने चालविताना स्वतःसह इतरांच्याही जिवाला धोका निर्माण करणाऱ्या 482 मद्यपी वाहनचालकांवर वाहतूक पोलिसांनी कारवाई केली आहे. वाहतूक पोलिसांकडून तीन दिवसांपासून मद्यपींवरील कारवाईचा (ड्रंक ऍन्ड ड्राईव्ह) वेग वाढविण्यात आला आहे. विशेषतः 31 डिसेंबर व एक जानेवारीला वाहतूक पोलिसांकडून मद्यपी वाहनचालकांवर कारवाईचा बडगा उगारण्यात येणार आहे.
दरवर्षी 31 डिसेंबरच्या रात्री व एक जानेवारीच्या पहाटेपर्यंत अनेकजण मद्यपान करुन वाहने चालवितात. वाहनचालक नशेत असल्यामुळे अनेकदा अपघाताचे प्रसंग घडतात. त्यामुळे संबंधित वाहनचालकासह सर्वसामान्य नागरिकांच्याही जिवाला धोका निर्माण होतो. या पार्श्‍वभूमीवर रस्त्यांवरील अपघात टाळण्यासाठी व वाहतुकीला शिस्त लागण्यासाठी वाहतूक शाखेचे अपर पोलिस आयुक्त डॉ. संजय शिंदे व पोलिस उपायुक्त प्रसाद अक्कानवरु यांच्या मार्गदर्शनाखाली वाहतूक शाखेच्या 24 विभागांमध्ये गुरूवारपासून मद्यप्राशन करुन वाहन चालविणाऱ्या वाहनचालकांवर कारवाई करण्यासाठी विशेष मोहिम सुरू करण्यात आली आहे.
या मोहिमेमध्ये तीन दिवसात 482 जणांना मद्यपी वाहनचालकांवर कारवाई करण्यात आली आहे. त्यांच्याविरुद्ध मोटार वाहन न्यायालयात खटले दाखल करण्यात आले आहेत. वाहतूक शाखेकडून नियमितपणे वाहतुकीच्या नियमांचे उल्लंघन करणाऱ्यांवर कारवाई केली जात असल्याने यावर्षी अपघातांमध्ये घट झाली आहे.
दरम्यान, मद्यपी वाहनचालकांमुळे अपघातांचे प्रकार घडू नयेत, यासाठी वाहतूक शाखेने विशेष मोहिम राबविली असून, ही मोहिम यापुढेही सुरू राहणार असल्याचे पोलिसांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.