पुणे : जोराचा वादळवारा सुटलाय, वरून पाऊस बरसतोय अन् ते पोलिस काका...!

पुणे : भर दुपारी अचानक ढग दाटून आले. बघता बघता आकाश काळवंडले आणि काही वेळातच वादळ-वाऱ्यासोबत जोरदार पाऊस बरसू लागला.

- ताज्या बातम्यांसाठी डाऊनलोड करा ई-सकाळचे ऍप

अशा वादळ, वारा अन् पावसात पोलिस नाईक विठ्ठल खिलारे यांनी पोलिसांसाठी उभा केलेला तंबू उडून जावू नये, यासाठी जमिनीवर पाय रोवून अक्षरशः शर्थीचे प्रयत्न करत होते. खिलारे यांची वादळ, वारा अन् पावसाशी सुरू असलेली झुंज पुणे पोलिस दलाला नवी ऊर्जा देऊन गेली.

- Big Breaking : राज्यात नव्या कोरोना रुग्णसंख्येने गाठला उच्चांक; दिवसभरात आढळले तब्बल...

एकीकडे कोरोना विरूद्ध पुणे पोलिस मागील दीड महिन्यापासून रस्त्यावरची लढाई लढत आहे. नागरिकांना कोरोना होऊ नये, यासाठी रात्रंदिवस उन्हातान्हात उभा आहे. अशातच 
शुक्रवारी (ता.१) पुण्यात पोलिसावर ऊन, वादळ आणि तितक्याच जोरदार पावसाबरोबर दोन हात करण्याची वेळ आली. पण कोरोना विरूद्ध लढणारे पुणे पोलिस याही परिस्थितीमध्ये डगमगले नाहीत. याउलट वादळ वाऱ्यात, पावसात पाय रोवून पुणेकरांचे संरक्षण करण्यासाठी तत्पर होते.

- वादळी वाऱ्यामुळे पुण्यातील कोरोनाचा उद्रेक कमी होणार? तज्ज्ञांचे म्हणणे...

शहरातील प्रत्येक नाकाबंदी ठिकाणावर पोलिस अधिकारी व कर्मचारी भर पावसातही आपली ड्युटी करत होते. त्यांच्याप्रमाणेच विश्रामबाग पोलिस ठाण्यात पोलिस नाईक असलेले विठ्ठल खिलारे हे त्यांच्या सहकाऱ्यांसमवेत शुक्रवारी दुपारी शनिपार चौकात नाकाबंदी ठिकाणावर आपली ड्युटी करत होते. त्याचवेळी आकाशात अचानक ढग दाटून आले.

बघता बघता आकाश काळवंडले आणि काही वेळातच अंगावर शहारा आणणारा वादळ, वारा सुरू झाला. त्याच बरोबर जोरदार पाऊस बरसू लागला. अशा वादळ, वारा अन् पावसात पोलिस नाईक खिलारे ड्युटी करत होते. त्याचवेळी पोलिसांचे उन्हापासून संरक्षण व्हावे, यासाठी काही सामाजिक संस्थांनी उभारलेले तंबू वादळवाऱ्याने उडू लागले.

- 'दादाजी तुम्ही कुठे आहात?'; कणखर गृहमंत्र्यांचा लाडक्‍या नातींसाठी तुटतोय जीव!

खिलारे यांनी तंबू उडू लागल्याचे पाहून भर वादळवाऱ्यात, पावसात उडून जाणारा तंबू वाचविण्यासाठी प्रयत्न केला. केवळ आपल्याला मदत करणाऱ्या एखाद्या व्यक्ती किंवा संस्थेचे आर्थिक नुकसान नको, या भावनेपोटी खिलारे यांनी तंबू वाचविण्याचा प्रयत्न केला. त्याच वेळी एका व्यक्तीने त्यांचे मोबाईलमध्ये चित्रीकरण केले. त्यानंतर काही वेळातच त्यांचा हा व्हिडीओ व्हायरल झाला. लाखो लोकांनी त्यांच्या धाडसाचे कौतुक केले. विश्रामबाग पोलिस ठाण्याचे पोलिस निरीक्षक दादासाहेब चूडाप्पा यांनीही खिलारे यांचे कौतुक केले.