पुणे : राज्यात कोरोना रुग्णांच्या संख्येने शुक्रवारी (ता.1) नवा उच्चांक गाठला असून, दिवसभरात एक हजाराहून अधिक रुग्ण सापडले आहेत. परिणामी, एकूण रुग्णांचा आकडा साडेअकरा हजार इतका झाला आहे. विविध शहरांमधील 26 रुग्ण मरण पावल्याने आतापर्यंत 485 जणांचा मृत्यू झाला आहे. दरम्यान, 106 रुग्ण कोरोनामुक्त झाले आहेत.
कोरोनामुक्त झाल्याने घरी सोडलेल्या सर्व रुग्णांना पुढील 14 दिवस घराबाहेर न पडण्याची ताकीद देण्यात आली असून, अशा लोकांवर लक्ष ठेवण्यात येत असल्याचेही स्पष्ट करण्यात आले आहे.
- पुण्याच्या बातम्या वाचण्यासाठी येथे ► क्लिक करा
राज्यात आतापर्यंत एका दिवसात सर्वाधिक 887 रुग्णांची नोंद झाली. मात्र; गेल्या पाच दिवसांत ही संख्या पाचशे ते साडेपाचशेपर्यंत खाली आली होती. मात्र, रविवारी 1 हजार 8 रुग्ण सापडल्याने चिंता व्यक्त केली जात आहे.
मृत व्यक्तींमध्ये पुण्यातील दहा, मुंबईतील पाच, जळगाव तीन, पुणे ग्रामीणमधील एकाचा समावेश आहे. त्यात 18 पुरुष आणि आठ महिला आहेत. सर्व मृत व्यक्ती 40 ते 60 आणि 60 पेक्षा अधिक वयाची आहेत. त्यांना उच्चरक्तदाब, मधुमेह, अस्थमा, हदयरोग, मूत्रपिंडाचे आजार असल्याचेही तपाण्यातून निष्पन्न झाले आहे.
आतापर्यंत तपासणीसाठी पाठविलेल्या 1 लाख 53 हजार 125 पैकी 1 लाख 40 हजार 587 जणांचा अहवाल निगेटिव्ह आला आहे. तर 11 हजार 506 जणांना कोरोना झाला आहे. त्यापैकी 1 हजार 879 जण बरे झाल्याने त्यांना घरी सोडण्यात आले आहे. सध्या राज्यभरात
सध्या सुमारे 1 लाख 63 हजार लोकांना घरीच विलग राहण्याचा (होम क्वॉरंटाइन) सल्ला दिला आहे. तर 11 हजार 677 जण विविध रुग्णालयात दाखल आहेत.
शुक्रवारचे नवे रुग्ण | 1,008 |
एकूण रुग्ण | 11,506 |
दिवसभरातील मृत्यू | 26 |
एकूण मृत्यू | 485 |
बरे झालेले एकूण रुग्ण | 106 |
बरे झालेले एकूण रुग्ण | 1,879 |
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.