Pune Rain Update: पुणेकरांना उकाड्यापासून दिलासा! ढगांच्या गडगडाटासह उपनगरात पावसाला सुरुवात

Pune Rain Update:

पुणे शहरात पावसाच्या सरी पडत असून ढगांच्या गडगडाटासह उपनगरात पावसाला सुरुवात झाली आहे.  गेल्या दोन दिवसापासून उकाडा जाणवत होता.  दरम्यान पावसाच्या सरी आल्याने पुणेकरांना उकाड्यापासून काहीसा दिलासा मिळणार आहे.  बाणेर-बालेवाडी येथे देखील वादळी वाऱ्यासह जोरदार पावसाला सुरुवात झाली आहे.  यासबोतच सिंहगड रस्ता घोरपडी परिसरात देखील रिमझिम पाऊस सुरू आहे.  

काल सोमवार देखील खडकवासला, वारजे परिसरात हलक्या स्वरुपात पाऊस झाला होता.

शेतरऱ्यांच्या अडचणीत वाढ-

यंदाच्या हंगामात झालेला अवकाळी पाऊस, पिकास झालेली थ्रीप्स रोगाची लागण व हमीभावाअभावी तालुक्यातील आंबा बागायतदार शेतकऱ्यांच्या अडचणी वाढल्या आहेत. त्यांच्या वार्षिक उत्पन्नावर याचा फार मोठा परिणाम होण्याची शक्यता आहे. उन्हामुळे त्रस्त झालेल्या नागरिकांना काहीअंशी का होईना उष्णतेपासून दिलासा मिळाला. तापलेल्या उन्हाने उष्णतेचे सर्व विक्रम मागे टाकत सर्वाधिक तापमानाची नोंद केली असताना सोमवारी सायंकाळच्या सुमारास वातावरणात ढग दाटून येऊन अचानक बदल झाले.

शेतकऱ्यांच्या अडचणीत वाढ-

यंदाच्या हंगामात झालेला अवकाळी पाऊस, पिकास झालेली थ्रीप्स रोगाची लागण व हमीभावाअभावी तालुक्यातील आंबा बागायतदार शेतकऱ्यांच्या अडचणी वाढल्या आहेत. त्यांच्या वार्षिक उत्पन्नावर याचा फार मोठा परिणाम होण्याची शक्यता आहे. उन्हामुळे त्रस्त झालेल्या नागरिकांना काहीअंशी का होईना उष्णतेपासून दिलासा मिळाला. तापलेल्या उन्हाने उष्णतेचे सर्व विक्रम मागे टाकत सर्वाधिक तापमानाची नोंद केली असताना सोमवारी सायंकाळच्या सुमारास वातावरणात ढग दाटून येऊन अचानक बदल झाले.

मुठा खोऱ्यात गारांसह पाऊस -

मुळशी तालुक्यातील मुठा खोऱ्यात काल (सोमवारी) एक तास गारांसह जोरदार अवकाळी पाऊस पडला. यामुळे शेतकऱ्यांची तारांबळ उडाली. सांयकाळी पाच वाजता गारांसह जोरदार पाऊस सुरू झाला. खारवडे येथे रस्त्याच्या कडेने पाणी वाहू लागले होते. शेतकऱ्यांची सध्या खाचरांची ओढणी, शेणखते टाकणे, बांध दुरुस्तीची कामे शिवारात सुरू होती.

अचानक आलेल्या पावसामुळे त्यांची तारांबळ उडाली. तसेच आंबा फळबागेवर गारांचा परिणाम होण्याची शक्यता आहे.