thunderstorm lightning chaos Pune 50 calls for help
sakal
पुणे: सलग तिसऱ्या दिवशी मुसळधार पावसाने पुणे शहरात अक्षरशः झोडपून काढले. गुरुवारी (ता. २) दुपारी मेघगर्जना, विजांचा कडकडाट आणि वादळी वाऱ्यासह अचानक सुरू झालेल्या पावसामुळे पुणेकरांची दाणादाण उडाली. अवघ्या काही तासांमध्ये एनडीए परिसरात ८४ मिमी तर शिवाजीनगर परिसरात ६५ मिमी पावसाची नोंद झाली. पावसामुळे अनेक ठिकाणी झाडे कोसळली. शाळा-महाविद्यालयातून घरी परतणारे विद्यार्थी, नोकरदार वर्ग आणि रस्त्यावरचे नागरिक पावसात अडकून पडले.