पुणे - स्वच्छ भारत अभियानाच्या २०२४ सालच्या अंतिम निकालात पुणे शहराने देशातील सर्वाधिक स्वच्छ शहरांच्या यादीत आठवा क्रमांक पटकावला आहे. देशभरातील दहा लाखांहून अधिक लोकसंख्या असलेल्या शहरांमध्ये हे मूल्यमापन करण्यात आले होते..केंद्र सरकारकडून इ.स. २०१६ पासून राबविण्यात येणाऱ्या स्वच्छ भारत अभियानाअंतर्गत दरवर्षी राष्ट्रीय स्तरावर शहरांचे मूल्यमापन करून त्यांना रँकिंग दिले जाते. गेली आठ वर्षे सलग इंदूर शहराने पहिल्या क्रमांकावर आपले वर्चस्व राखले असून, त्याला सेव्हन स्टार रँकिंग ही प्राप्त झाली आहे..महाराष्ट्रात नवी मुंबई महापालिका दरवर्षी पहिल्या पाच क्रमांकात स्थान मिळवत असते. मात्र पुणे महापालिकेला गेल्या काही वर्षांत फारशी मोठी झेप घेता आली नव्हती. यंदा मात्र पुण्याने चांगली भरारी घेत आठव्या क्रमांकावर पोहोचत सकारात्मक प्रगती केली आहे.२०१९ मध्ये पुणे सत्याऐंशीव्या (३७) क्रमांकावर होते. २०२० मध्ये तो पंधरावा (१५) आणि २०२१ मध्ये थेट पाचव्या (५) क्रमांकावर झेपावला होता. मात्र २०२२ आणि २०२३ मध्ये सलग नववा (९) क्रमांक कायम राहिला. यंदा २०२४ मध्ये आठव्या (८) स्थानावर पोहोचत काहीशी सुधारणा झाली आहे..महत्त्वाचे म्हणजे, मागील वर्षी पुण्यापेक्षा लहान शहरे पुण्याच्या पुढे गेली होती. त्यामुळे महापालिका प्रशासनाने त्या निकालाचे सखोल विश्लेषण करून कमतरता दूर करण्यावर भर दिला. त्याचाच परिणाम म्हणजे यंदा पुण्याची स्थिती सुधारली. तरीही प्रशासनाला आणखी वरच्या स्थानाची अपेक्षा होती..देशातील पहिले तीन स्वच्छ शहरं – स्वच्छ सर्वेक्षण २०२४१. इंदूर (मध्य प्रदेश) – सलग आठव्यांदा पहिला क्रमांक२. सुरत (गुजरात) – दुसरे स्थान३. नवी मुंबई (महाराष्ट्र) – तिसरे स्थान.पुणेचा गेल्या सहा वर्षांचा क्रमवारी प्रवास२०१९ : ३७२०२० : १५२०२१ : ५२०२२ : ९२०२३ : ९२०२४ : ८.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
