Pune Terror Funding: सराफा दुकानातून लुटलेल्या सोन्याचा टेरर फंडिंगसाठी वापर! पुणे पोलिसांकडून मोठा खुलासा

पुणे पोलिसांनी गेल्यावर्षी अटक केलेल्या दोन दहशतवाद्यांच्या चौकशीत एक धक्कादायक बाब समोर आली आहे. या दहशतवाद्यांनी सराफाच्या दुकानात दरोडा टाकला होता त्यानंतर त्यातील लंपास केलेल्या सोन्याचा वापर त्यांनी टेरर फंडिंगसाठी केला होता. एबीपी माझानं यााबाबत वृत्त दिलं आहे. (Pune Terror Funding case use of gold looted from bullion shops for terror funding big revelation from Pune ATS)

लुटलेल्या सोन्याचा वापर टेरर फंडिंगासाठी

माध्यमांतील वृत्तानुसार, मोहम्मद युनुस खान आणि मोहम्मद याकूब साकीब अशा या दोन दहशतवाद्यांची नावं आहेत. पुणे पोलिसांनी त्यांना गेल्यावर्षी १८ जुलै रोजी अटक केली होती. हे दोघेही मोस्ट वॉन्टेड दहशतवादी होते.

या प्रकरणाचा तापास केंद्रीय यंत्रणेकडं सोपवण्यात आला होता तसेच महाराष्ट्र एटीएसकडूनही या दोघांची चौकशी करण्यात येत होती. दरम्यान, पुणे एटीएसच्या टीमला चौकशी दरम्यान, या दोघांनी सराफाच्या दुकानात दरोडा टाकल्याची बाब समोर आली आहे. (Marathi Tajya Batmya)

सराफा दुकानात दरोडा

त्यानुसार, साताऱ्यातील एका सराफा दुकानात या दोघांनी दरोडा टाकला होता. त्यातील लाखो रुपयांचे दागिने घेऊन ते पसार झाले होते. या दागिन्यांच्या विक्रीतून आलेला पैसा त्यांनी टेरर फंडिंगसाठी वापरला होता. (Latest Marathi News)

पुणे शहरात केली होती रेकी

दरम्यान, पुणे पोलिसांच्या तपासात हे देखील उघड झालं होतं की, शहरातील विविध ठिकाणी रेकी केली होती. यामध्ये कोरेगाव पार्क, शनिवारवाडा आणि दगडुशेठ हलवाई मंदिर परिसराचा समावेश होता.