पुणेकरांनो, न्यू इयर सेलिब्रेशनसाठी बाहेर पडताय? वाहतुकीतील बदल जाणून घ्या!

पुणे : नववर्षाच्या स्वागतानिमित्त मंगळवारी (ता.31) रात्री शहरातील विविध रस्त्यांवर मोठ्या प्रमाणात गर्दी होणार आहे. त्यादृष्टीने शहरातील वाहतुकीमध्ये बदल करण्यात आला आहे. कॅम्प आणि फरासखाना वाहतूक विभागातील वाहतुकीमध्ये बदल असणार आहे.

- ताज्या बातम्यांसाठी डाऊनलोड करा ई-सकाळचे ऍप

याबरोबरच मंगळवारी (ता.31) सायंकाळी सहा वाजल्यापासून ते बुधवारी (ता.1) पहाटे गर्दी संपेपर्यंत शहरातील सर्व सिग्नल सुरु राहणार आहेत. त्यादृष्टीने वाहनचालकांनी पर्यायी मार्गाचा वापर करावा आणि वाहतुकीच्या नियमांचे पालन करावे, असे आवाहन वाहतूक पोलिसांनी केले आहे. 

- पुणे : 'या' भागातील शाळा एक तारखेला राहतील बंद; जिल्हाधिकाऱ्यांचे आदेश

सरत्या वर्षाला निरोप देऊन नव्या वर्षाचे स्वागत करण्यासाठी शहरातील नागरीक मोठ्या संख्येने रस्त्यावर गर्दी करणार आहे. नागरीकांना नववर्षाचा आनंद घेता यावा, कोणत्याही प्रकारची वाहतूक कोंडी होऊ नये, यादृष्टीने वाहतूक शाखेकडून वाहतुकीमध्ये बदल करण्यात आले असल्याची माहिती वाहतूक शाखेचे पोलिस उपायुक्त प्रसाद अक्कानवरु यांनी दिली आहे. शहरातील कॅम्प व फरासखाना भागातील रस्त्यांवरील वाहतुकीमध्ये बदल केला आहे. 

- पुणे : ६५ वर्षाच्या नागरिकाचा स्माशानभूमीतच केला खून अन्...

नववर्षानिमित्त दगडूशेठ हलवाई गणपती मंदिरामध्ये दर्शन घेण्यासाठी भाविकांची मोठ्या प्रमाणात गर्दी होते. त्यामुळे शिवाजी रस्त्यावर चारचाकी वाहने आणि सर्व प्रकारच्या बसला बुधवारी सकाळी सात वाजल्यापासून वाहतुकीसाठी बंदी असणार आहे. त्यानुसार वाहनचालकांनी पर्यायी मार्गाचा वापर करावा, असे आवाहन वाहतूक पोलिसांनी केले आहे. 

शिवाजी रस्त्यावरील वाहतुकीमध्ये बुधवारी बदल :

- स.गो.बर्वे चौकातुन स्वारगेटकडे जाण्यासाठी स.गो.बर्वे चौक ते स्वारगेट या मार्गावरील वाहतूक स. गो. बर्वे चौक, जंगली महाराज रोड मार्गे खंडोजीबाबा चौक, टिळक चौक, टिळक रोडने इच्छित स्थळी जातील. 

- स. गो. बर्वे चौकातून महापालिका भवनाकडे जाण्यासाठी स. गो. बर्वे चौक ते मनपा या मार्गावरील वाहतूक स. गो. बर्वे चौक, जंगली महाराज रोड मार्गे झाशीची राणी चौक येथून डावीकडे वळून मनपाकडे जातील. 

- Video : पुणे मेट्रोचे फोटो टिपण्यात पिंपरीकर रमले!

कॅम्प परिसरातील वाहतुकीमध्ये बदल :

- वाय जंक्‍शनवरुन एम.जी. रोडकडे येणारी वाहतूक 15 ऑगस्ट चौक येथे बंद करुन वाहतूक कुरेशी मशीद व सुजाता मस्तानी चौकातुन पुढे जाईल. 
- ईस्कॉन मंदिर चौकाकडून डॉ. बाबासाहेब आंबेडकर पुतळा, अरोरा टॉवरकडे जाणारी वाहतुक बंद करण्यात येणार आहे.  

- व्होल्गा चौकाकडून महम्मद रफी चौकाकडे जाणारी वाहतूक बंद करण्यात येणार असून संबंधीत वाहतूक सरळ ईस्ट स्ट्रीट रोडने इंदिरा गांधी चौकातुन पुढे जाईल. 
- इंदिरा गांधी चौकातून महावीर चौकाकडे जाणारी वाहतूक बंद करण्यात येणार असून संबंधित वाहतूक इंदिरा गांधी चौकातून लष्कर पोलिस ठाणे चौकाकडे वळविण्यात येणार आहे.
- सरबतवाला चौकाकडून महावीर चौकाकडे जाणारी वाहतूक बंद करुन ती ताबूत स्ट्रीट मार्गे पुढे सोडण्यात येणार आहे.